Byggðaráðstefnan 2023 var haldin í Hljómahöllinni í Reykjanesbæ í síðustu viku undir yfirskriftinni Búsetufrelsi? Það voru Byggðastofnun, Samband íslenskra sveitarfélaga, Samband sveitarfélaga á Suðurnesjum og Reykjanesbær sem stóðu að ráðstefnunni, sem var öll hin glæsilegasta.

Rannís, Samband Íslenskra sveitarfélaga og Vestfjarðarstofa standa fyrir opnum fundi um græna styrki á Ísafirði þann 27. nóvember 2023.

Starfshópar um aðgerðaráætlun fyrir ferðamálastefnu til 2030 hafa nú skilað fyrstu drögum stefnunnar. Hafa þau verið sett í opið samráð í samráðsgátt stjórnvalda sem hægt er að gera athugasemdir við til 23.11.2023

Haustfundur atvinnuráðgjafa var haldinn á Courtyard by Marriott í Reykjanesbæ s.l. miðvikudag undir yfirskriftinni Gervigreind eða gerfigreind? Þar var fjallað um gervigreind, miðlunarmál og ýmis byggðamál.

Sérfræðingar Byggðastofnunar verða á Þróunarsetrinu á Hólmavík mánudaginn 13. nóvember nk. og vilja ná fundum með hagsmunaaðilum vegna mögulegrar úthlutunar á allt að 500 þorskígildistonnum af aflamarki stofnunarinnar

Október hefur verið mikill gleðimánuður á Vestfjörðum. Farið er yfir það helsta í fréttabréfi októbermánaðar sem nú er komið út!

Af stað er farin Íbúakönnun landshlutanna. Könnunin er á vegum Byggðastofnunar, landshlutasamtakanna og atvinnuþróunarfélaga og er hún ætluð öllum íbúum á Íslandi sem náð hafa 18 ára aldri. Tilgangur hennar er að kanna hug íbúa til búsetuskilyrða, aðstæðna á vinnumarkaði og afstöðu til nokkurra mikilvægra atriða, s.s hamingju og hvort íbúar séu á förum frá landshlutanum. Könnunin er á íslensku, ensku og pólsku. Hún er send út í tölvupósti til markhóps og þeirra sem hafa tekið þátt í henni áður, en einnig er hægt að taka þátt á netinu án þess að hafa fengið sérstakt boð um þátttöku.

Hafsjór af hugmyndum auglýsir styrki til háskólanema á vegum sjávarútvegsklasa Vestfjarða. Styrkirnir eru ætlaðir til vinnslu lokaverkefna háskólanema í grunn- eða framhaldsnámi við íslenska háskóla. Lokaverkefnin ættu að hafa það að markmiði að skapa aukin verðmæti úr sjávarauðlindum eða efla atvinnulíf á Vestfjörðum.

Í dag var fagnað merkum áfanga í vegagerð á Vestfjörðum er ný brú yfir Þorskafjörð var vígð. Margt var um manninn í Þorskafirðinum á þessum fallega degi og við þetta ánægjulega tilefni.

Opið er fyrir umsóknir í Uppbyggingarsjóð Vestfjarða til 2. nóvember næstkomandi og af því tilefni býður Vestfjarðastofa til vinnustofa í vikunni fyrir áhugasama.