Fréttir

Árið 2020 hefur um margt verið athyglisvert fyrir Vestfirði. Þrátt fyrir mikil áföll í ferðaþjónustu og um margt erfiðar aðstæður í öðrum atvinnugreinum má samt segja að atvinnulíf svæðisins sé nokkuð sterkt, atvinnuleysi hvergi nærri þeim tölum sem sjá má í öðrum landshlutum og víða vantar fólk til starfa. Staða sveitarfélaganna er þó ekki góð og blikur á lofti í rekstri flestra sveitarfélaga á Vestfjörðum. Ef rétt er gefið eru á Vestfjörðum gríðarleg tækifæri til verðmætasköpunar í sátt við umhverfi og samfélag. Sjávarútvegur, fiskeldi og ferðaþjónusta eru stoðir vestfirsks atvinnulífs en mikil tækifæri eru einnig í fjölbreyttri matvælaframleiðslu byggðri á afurðum lands og sjávar í bland við hugvit. Til framtíðar verður spennandi að fylgast með þróun á vettvangi þara og þörunga og í orkuframleiðslu.

Vestfjarðastofa vill benda á að búið er að opna fyrir umsóknir í Svanna-lánatryggingasjóð kvenna sem er nú að hefja sitt þriðja starfstímabil.

Vestfjarðastofa fagnar góðum árangri vestfirskra verkefna í fyrstu úthlutun Matvælasjóðs en alls 11 verkefni á Vestfjörðum hlutu stuðning. Flest verkefnin voru í flokknum Báru þar sem 36 verkefni hlutu styrk þar af 8 verkefni frá Vestfjörðum. Í flokknum Kelda sem er flokkur rannsóknarverkefna hlaut Matís stuðning til tveggja verkefna þar sem vestfirskir aðilar eru samstarfsaðilar. Í flokknum Fjársjóður, sem styður markaðsetningu afurða var eitt vestfirskt verkefni.

Úthlutunarnefnd Uppbyggingarsjóðs Vestfjarða hefur lokið við að fara yfir umsóknir um styrki vegna ársins 2021. Á fundum úthlutarnefndar þann 9. og 10. desember var tekin ákvörðun um úthlutun úr sjóðnum, en áður en úthlutunarnefnd fékk umsóknirnar til afgreiðslu höfðu fagráð farið yfir allar umsóknir. Allir þeir sem sóttu um í sjóðinn fengu senda niðurstöður í tölvupósti varðandi umsóknir sínar mánudaginn 14. desember. Aldrei hafa borist jafn margar umsóknir, en alls bárust sjóðnum 154 umsóknir upp á 260.134.240 kr. Fimm umsóknir frá árinu 2020 fengu stykir til tveggja ára og teljast þær því með styrkjum ársins 2021 en 53 nýjar umsóknir voru samþykktar. Samtals var því samþykkt að veita 58 verkefnum styrk að þessu sinni. Heildarupphæð úthlutunar fyrir árið 2021 er 58.600.000 kr.

Landsvirkjun, Vestfjarðastofa og Orkubú Vestfjarða hafa sett á laggirnar samstarfsverkefni um orkuskipti og orkutengda nýsköpun. Verkefnið hefur hlotið nafnið Blámi og var skrifað undir samstarfssamninginn í dag.

Mikið af úrræðum fyrir fyrirtæki hafa verið kynnt á síðustu mánuðum vegna Covid-19 og enn er verið að útfæra og samþykkja ný úrræði hjá ríkisstjórninni.

Ráðgjafafyrirtækið Senza, SSNV og Vestfjarðarstofa standa fyrir hraðlinum Hugsum hærra fyrir fyrirtæki á Vestfjörðum og Norðurlandi vestra. Í hraðlinum fá starfandi fyrirtæki sem vilja hugsa hærra aðstoð við að vinna fjárfestakynningar, móta stefnu og ramma inn viðskiptaáætlun. Sérstök áhersla er að styrkja fyrirtæki í gerð umsókna í nýsköpunarsjóði.*

Þann 1. desember 2017 var Vestfjarðastofa formlega stofnuð. Með stofnun Vestfjarðastofu var starfssemi skrifstofu Fjórðungssambands Vestfirðinga og Atvinnuþróunarfélags Vestfjarða sameinuð. Vestfjarðastofa er sjálfseignastofnun sem hefur það hlutverk að styðja einstaklinga, fyrirtæki, félagasamtök og sveitarfélög á Vestfjörðum við að ná árangri á sviði nýsköpunar og atvinnuþróunar. Vestfjarðastofa er í forsvari gagnvart stjórnvöldum, sinnir markaðssetningu og svæðasamstarfi á Vestfjörðum. Jafnframt er Vestfjarðastofu ætlað að samþætta krafta landshlutans, fylgja eftir hagsmunum umhverfis, samfélags og efnahagslífs byggðanna og stuðla þannig að öflugum og sjáfbærum Vestfjörðum.

154 umsóknir bárust í Uppbyggingarsjóð Vestfjarða, en umsóknarfrestur rann út fyrir helgi. Mörg þessara verkefna eru mjög áhugaverð

Fjölmörg laus störf eru um þessar mundir á Vestfjörðum og fjölbreytt tækifæri fyrir rafvirkja, forritara, hjúkrunarfræðinga og ýmislegt fleira í boði fyrir þá sem sækja orku til fjalla og fagurrar náttúru.