Í síðustu viku skrifuðu Vestfjarðastofa og Vesturlandsstofa undir samstarfssamning um þróun á ferðamannaleiðinni Hringvegs 2. Um er að ræða ferðmanna leið sem er um 850 km löng leið og liggur um sjö sveitafélög á Vestfjörðum auk Dalabyggðar á Vesturlandi.

Í dag var opnuð verzlun í Árneshreppi á Ströndum, en þar hefur ekki verið starfrækt verzlun síðan í haust.

Tímabil fyrstu Sóknaráætlunar Vestfjarða lýkur í desember 2019. Sóknaráætlun Vestfjarða er sértæk byggðaáætlun fyrir Vestfirði og jafnframt samheiti yfir samning landshlutasamtakanna við hið opinbera um fjármögnun sóknaráætlunar og Uppbyggingarsjóðs Vestfjarða. Sóknaráætlun Vestfjarða byggir á lögum um byggðaáætlun og Sóknaráætlanir landshluta nr. 69/2015.

Staðfest er að aukin eftirspurn verður eftir orku á Vestfjörðum vegna fjölbreyttrar starfsemi, svo sem kalkþörungavinnslu, fiskeldis, ferðaþjónustu og fjölgunar íbúa, samhliða auknum umsvifum í öðrum atvinnugreinum. Slík uppbygging er háð því að afhendingaröryggi og aðgangur að aukinni orku sé fyrir hendi.

Guðrún Anna Finnbogadóttir hefur verið ráðin verkefnastjóri Vestfjarðastofu á Patreksfirði. Guðrún Anna er uppalin á Ísafirði en hefur verið búsett ásamt fjölskyldu sinni á Patreksfirði frá árinu 2013.

Alls bárust 21 umsókn. Úthlutað var til 13 verkefna 7 milljónum til samans. Allt voru þetta umsóknir sem féllu vel að verkefninu Öll vötn til Dýrafjarðar. Reynt var að velja sem fjölbreyttust verkefni og m.a. var stuðst við stigagjöf eftir mat á tilteknum þáttum.

Rúm 62% landsmanna telja að fyrirhuguð virkjun Hvalár á Ströndum muni hafa góð áhrif á búsetu á Vestfjörðum, 66,6% að hún muni hafa góð áhrif á atvinnuuppbyggingu, 73% telja að hún muni hafa góð áhrif á raforkumál í fjórðungnum.

Þann 29. maí næstkomandi ætlar Vestfjarðastofa að hefja vinnu við endurskoðun Sóknaráætlunar Vestfjarða og er þér boðið að taka þátt í þeirri vinnu.

Vestfjarðastofa, Fjórðungssamband Vestfirðinga, Náttúrustofa Vestfjarða og Byggðasamlag Vestfjarða um málefni fatlaðs fólks munu halda sameiginlegan ársfundardag föstudaginn 10. maí 2019 í Félagsheimilinu á Þingeyri.

Vestfjarðastofa leitar að verkefnastjóra með starfsstöð á Patreksfirði. Verkefnastjóri sinnir verkefnum sem varða atvinnulíf og byggðaþróun á öllum Vestfjörðum. Megináherslur í starfi verkefnastjóra eru á sviði fiskeldis og sjávarútvegs.