Nú er hægt að senda inn umsókn í List fyrir alla fyrir starfandi listamenn, stofnanir og aðra þá er sinna barnamenningu á einhvern hátt. Hlutverk List fyrir alla er að styðja við verkefni á sviði barnamenningar fyrir grunnskólabörn. Umsóknarfrestur er til 16.mars 2025.

Landstólpinn, samfélagsviðurkenning Byggðastofnunar, er viðurkenning sem Byggðastofnun veitir árlega á ársfundi sínum. Um er að ræða hvatningarverðlaun til einstaklinga, fyrirtækja, hópa eða verkefna sem vakið hafa athygli á byggðamálum, styrkt samfélög í landsbyggðunum eða stuðlað að framgangi málefna landsbyggðanna, ýmist í heild eða innan tiltekins byggðarlags, s.s. innan nýsköpunar, byggðaþróunar, atvinnuþróunar, sjálfbærni eða menningar. Hér með er lýst eftir tilnefningum um handhafa Landstólpans 2025. Dómnefnd velur úr þeim tillögum sem berast.

Umsóknaskrif voru til umfjöllunar í fyrirlestraröð landshlutasamtakanna Forvitnir frumkvöðlar á þriðjudaginn. Þar fjallaði Þórunn Jónsdóttir um málið af gríðarmikilli þekkingu og reynslu. Ræddi hún um hvað styrkumsóknir eiga sameiginlegt, óháð því hvaða sjóði er verið að sækja í og hvað þarf að hafa í huga svo meiri líkur séu til árangurs. Þórunn hefur á ferli sínum skrifað hundruð umsókna og þekkir því vel hversu snúið það getur reynst að semja góða umsókn.

Markaðsstofur landshlutana héldu saman á fund Arnars Más Ólafssyni ferðamálastjóra og Ingvars Más Pálssonar skrifstofustjóra viðskipta og ferðamála í síðustu viku. Markmið fundarins vara að skerpa á samstarfinu og mikilvægi markaðsstofa landshlutanna í stoðkerfinu. Forsvarsfólk markaðsstofanna er tenging stoðkerfis ferðamála út á land og ein besta leið fyrir þá sem starfa innan þess til að heyra raddir landsbyggðarinnar.

Dagana 30.-31. janúar var ferðakaupstefna Icelandair Mid Atlantic haldin í 30. sinn. Viðburðinn sóttu um 700 alþjóðlegir kaupendur og seljendur, flestir seljendur komu frá Íslandi, en einnig voru margir frá Færeyjum, Grænlandi og Bandaríkjunum. Kaupendurnir komu víðar að helst úr Vestur-Evrópu og Bandaríkjunum, en þó voru einhverjir sem komu lengra að, sumir alla leið frá Indlandi.

Í fréttabréfi mánaðarins finnið þið fréttir um helstu verkefni mánaðarins auk þess sem þar eru hugleiðingar Sigríðar Ó. Kristjánsdóttur, framkvæmdastjóra, um ferðaþjónustuna. Einnig er þar frábær pistill frá Gylfa Ólafssyni, formanni stjórnar Vestfjarðastofu, sem nýverið samdi smellið lag um eitt af sameiningartáknum Vestfirðinga, endurkomu sólar.

Í gær fór fram í Norræna húsinu undirritun Sóknaráætlanasamninga til næstu fimm ára á milli landshlutasamtaka sveitarfélaga og þriggja ráðuneyta. Ráðherrarnir Eyjólfur Ármannsson, samgöngu- og sveitarstjórnarráðherra, Logi Einarsson, menningar-, nýsköpunar- og háskólaráðherra og Jóhann Páll Jóhannsson, umhverfis-, orku- og loftslagsráðherra mættu til undirritunarinnar fyrir hönd sinna ráðuneyta og fyrir hönd Vestfjarðastofu, sem sinnir framkvæmd Sóknaráætlunarsamningsins við Vestfirði fyrir Fjórðungssamband Vestfirðinga, mættu Sigríður Kristjánsdóttir og Gylfi Ólafsson.

Sölvi og Vilborg hjá Markaðsstofu Vestfjarða halda brátt suður yfir heiðar til þátttöku á ferðakaupstefnunni Icelandair Mid-Atlantic. Sýningin er nú haldin þrítugasta sinn og er hún veigamikill liður í landkynningu Norður-Atlantshafseyjanna þriggja til erlendra kaupenda sem vilja senda ferðafólk til Íslands, Færeyja og Grænlands.

Púkinn, barnamenningarhátíð á Vestfjörðum, verður haldin dagana 31. mars til 11. apríl. Í desember var opnað fyrir umsóknir um verkefnastyrki og var hægt að sækja um til 23. janúar. 22 spennandi umsóknir bárust og sinnir úthlutunarnefnd nú því vandasama verki að ákvarða styrkveitingar. Von er á niðurstöðum hennar í næstu viku.

Annað erindi í fyrirlestraröð landshlutasamtakanna, Forvitnir frumkvöðlar, fer fram á Teams þriðjudaginn 4. febrúar kl. 12. Þar mun Þórunn Jónsdóttir fara yfir gerð styrkumsókna, en hún hefur skrifað yfir 300 umsóknir yfir dagana. Markmið Þórunnar er að deila þekkingu sinni og reynslu sem víðast, enda trúir hún því að allir geti skrifað árangursríka styrkumsókn fái þeir til þess góðan stuðning og réttu tólin.