Fara í efni

Umhverfisvottun Vestfjarða

Umhverfisvottun Vestfjarða
Vestfirðir hafa einsett sér að skara framúr í umhverfismálum og hafa ákveðið að vera stóriðjulaus landshluti. Hluti af því ferli var að fá umhverfisvottun á rekstur allra sveitarfélaganna á Vestfjörðum. Því markmiði var náð 2016 þegar að Vestfirðir fengu silfurvottun EarthCheck. 

Þann 8. nóvember 2012 tóku sveitarfélögin á Vestfjörðum ákvörðun um að gerast aðilar að umhverfisvottunarsamtökunum EarthCheck, sem voru einu umhverfisvottunarsamtök í heimi sem votta samfélög. Fjórðungssamband Vestfirðinga sá um utanumhald verkefnisins og unnu þær skýrslur sem þurfti til að fá vottun.  Með þessari aðgerð skuldbundu sveitarfélögin sig til að taka mið af umhverfinu í öllum sínum ákvörðunum og tryggja sjálfbæra nýtingu svæðisins. 
Sveitarfélögin á Vestfjörðum eru með silfurvottun vegna starfssemi sinnar fyrir starfsárið  2020.  

Í júlí 2019 tók Náttúrustofa Vestfjarða við verkefninu og sér það alfarið um verkefnið.  Sarfsmaður hjá Nave heldur utan um verkefnið og sér hann um að uppfæra öll þau gögn sem þarf að hafa tilbúin til að fá árlegar vottanir eins og framkvæmdaráætlun sveitarfélaganna, lagakrá, sameiginlega stefnu, fundi græns teymis og Græn skref. Öll gögn tengda vottun má finna til hliðar á síðunni.  Vestfjarðastofa hefur aðeins yfirumsjón með verkefninu.

 

Tengdar fréttir