Vesturbyggð vinnur að innleiðingu nýs stjórnskipulags í leik- og grunnskólum sveitarfélagsins með það að markmiði að styrkja faglega forystu, efla samstarf og þróun skólastarfs og styðja betur við litlar rekstrareiningar í dreifðu sveitarfélagi. Í sveitarfélaginu eru reknir þrír grunnskólar með leikskóladeildum auk leikskóla. Í nýju skipulagi verður lögð aukin áhersla á faglega samræmingu og samstarf milli leik- og grunnskóla. Leikskólastjóri gegnir þar lykilhlutverki, bæði í daglegum rekstri leikskóla og í faglegri þróun leikskólastarfs í sveitarfélaginu.
Leikskólastjóri Vesturbyggðar ber ábyrgð á faglegri forystu og daglegum rekstri leikskólans Arakletts. Jafnframt hefur leikskólastjóri mikilvægt hlutverk í að styðja við og samræma leikskólastarf í sveitarfélaginu, þar á meðal leikskóladeildir við grunnskólana. Dagleg stjórnun leikskóladeilda verður áfram í hverjum skóla. Leikskólastjóri er hluti af stjórnendateymi skóla Vesturbyggðar og tekur virkan þátt í þróun skólastarfs í sveitarfélaginu.
Leikskólastjóri situr í stjórnendateymi ásamt stjórnendum hvers skóla, skólastjóra Vesturbyggðar, sviðsstjóra fjölskyldusviðs og fulltrúa stoðteymis.
Helstu verkefni
- Leiða faglegt starf leikskólans
- Bera ábyrgð á daglegum rekstri leikskólans Arakletts
- Styðja við og samræma leikskólastarf í sveitarfélaginu
- Vinna að þróun og umbótum í leikskólastarfi
- Eiga samstarf við foreldra og nærsamfélag
- Taka þátt í stjórnendateymi skóla Vesturbyggðar
Hæfniskröfur
- Leikskólakennaramenntun
- Framhaldsmenntun sem nýtist í starfi kostur
- Reynsla af leikskólastarfi
- Stjórnunar- og rekstrarreynsla æskileg
- Góð samskipta- og samstarfshæfni
- Skipulagshæfni og frumkvæði
- Góð íslenskukunnátta
Einstök náttúrufegurð prýðir sunnanverða Vestfirði og þar er ótal margt að sjá og upplifa. Í Vesturbyggð er öflugt atvinnulíf, fjölbreytt þjónusta og gott mannlíf. Góð þjónusta er í sveitarfélaginu, öflugt æskulýðsstarf, leikskólar, íþróttasvæði, verslanir, sjúkrahús, verkstæði, vélsmiðjur, trésmíðaverkstæði, bíó, ferðaþjónusta og fl. Möguleikar til útivistar, félagsstarfa, íþrótta og afþreyingar eru fjölmargar. Vesturbyggð tekur vel á móti nýjum íbúum!
Upplýsingar veitir
Geirlaug Jóhannsdóttir – geirlaug@hagvangur.is