Súðavíkurhreppur - Matráður óskast við Súðavíkurskóla

Súðavíkurhreppur auglýsir starf matráðs við Súðavíkurskóla.

Leitað er að ábyrgum, jákvæðum og sjálfstæðum einstaklingi til að sjá um daglegan rekstur mötuneytis leik- og grunnskólans.

Í mötuneytinu er að jafnaði eldað fyrir um 40 einstaklinga á dag bæði leik- og grunnskólabörn og starfsfólk. Fjöldi matargesta getur verið breytilegur.

Við leggjum áherslu á hollan, fjölbreyttan og næringarríkan heimilismat þar sem góð hráefni og vönduð matargerð eru í fyrirrúmi.

Laun og starfskjör eru samkvæmt gildandi kjarasamningi Sambands íslenskra sveitarfélaga og viðkomandi stéttarfélags. Um er að ræða 75% starfshlutfall.

Starfið er laust frá og með 1. nóv 2026. Umsóknarfrestur rennur út á miðnætti 28. okt.2026.

Umsóknir berist á netfangið sudavik@sudavik.is

Helstu verkefni:

• Matreiðsla og framreiðsla máltíða fyrir börn og starfsfólk.
• Skipulagning matseðla og máltíða með áherslu á hollustu og fjölbreytni.
• Innkaup og utanumhald hráefna og birgða.
• Uppvask, frágangur og þrif eldhúss og mötuneytissalar.
• Ábyrgð á hreinlæti og öruggri meðhöndlun matvæla.
• Að gæta að sérþörfum barna vegna fæðuofnæmis og óþols.
• Önnur tilfallandi verkefni í starfsemi skólans eftir þörfum

Hæfniskröfur:

• Reynsla af matreiðslu er æskileg.
• Áhugi á hollri næringu og matargerð fyrir börn.
• Sjálfstæð, skipulögð og ábyrg vinnubrögð.
• Rík hreinlætisvitund og snyrtimennska.
• Jákvætt viðmót og góð samskiptahæfni.
• Íslenskukunnátta er kostur
• Rík áhersla er lögð á matvælaöryggi og vönduð vinnubrögð. Viðkomandi þarf að hafa lokið eða vera tilbúinn að ljúka viðeigandi fræðslu í matvælaöryggi og hreinlæti við upphaf starfs.

Við bjóðum:

• Sjálfstætt og fjölbreytt starf ásamt notalegu starfsumhverfi í litlu skólasamfélagi.
• Fræðsla og námskeið í matvælaöryggi á kostnað sveitarfélagsins.