Fara í efni

Sóknaráætlun Vestfjarða

Sóknaráætlun Vestfjarða
Sóknaráætlun Vestfjarða er sértæk byggðaáætlun fyrir Vestfirði og jafnframt samheiti yfir samning landshlutasamtaka sveitarfélaga við hið opinbera um fjármögnun áhersluverkefna sóknaráætlunar og Uppbyggingarsjóðs Vestfjarða. Sóknaráætlun Vestfjarða fyrir árin 2020-2024 var samþykkt á fundi stjórnar Fjórðungssambands Vestfirðinga/Vestfjarðastofu þann 21. október og kynnt á 4. Haustþingi Fjórðungssambands Vestfirðinga á Hólmavík 25.-26. 

Sóknaráætlanirnar fela í sér stöðumat, framtíðarsýn, markmið og aðgerðir og eru þær unnar í  samráði við heimamenn. Áhersluverkefni og verkefni styrkt af uppbyggingarsjóðum taka mið af áherslum sóknaráætlana í hverjum landshluta.

Í samningi um sóknaráætlun kemur fram að landshlutasamtökin skipi samráðsvettvang þar sem tryggð er sem breiðust aðkoma ólíkra aðila og gætt að búsetu-, aldurs- og kynjasjónarmiðum. Landshlutasamtökin skilgreina hlutverk og verkefni samráðsvettvangs og skal hann hafa beina aðkomu að gerð sóknaráætlunar landshlutans og vera upplýstur um framgang hennar. Gert er ráð fyrir að samráðsvettvangurinn komi saman a.m.k. árlega.  
Einnig er skipað í sjö manna framkvæmdaráð samráðsvettvangsins og er hlutverk hans að vinna með stjórn og starfsmönnum FV að tillögum að áhersluverkefnum. 

Hér er hlekkur á vef Sóknaráætlun Landshluta. Þegar opið er fyrir styrkumsóknir í Uppbyggingarsjóð Vestfjarða er farið inn á umsóknargáttina til að sækja um. Einnig  er hægt að breyta umsóknum þar ef þess er krafist, prenta út samninga og fleira. Nauðsynlegt er að skráning í umsóknargátt sé á auðkenni umsækjanda. Umsóknir fyrir lögaðila þurfa að vera skráðar á kennitölu þess sem á að nýta styrkinn og er því  nauðsynlegt að sækja um á Íslykli eða rafrænum skilríkjum viðkomandi aðila eða fyrirtækis.

 Skýrslur  

Til að fá lokagreiðslu vegna Áhersluverkefna þá fyllið út skýrslu sem er að finna hér
Til að fá lokagreiðslu vegna verkefna hjá Uppbyggingarsjóði Vestfjarða smelltu hér 
Til að fá milli greiðslu vegna fjölára verkefna hjá Uppbyggingarsjóði Vestfjarða smelltu hér