Fara í efni

Innviðir

Traustir innviðir eru grundvöllur vaxtar í höfuðatvinnugreinum. Vestfjarðastofa tengist og vinnur að uppbyggingu innviða á mörgum sviðum, meðal annars orkumálum, samgöngumálum og ferðaþjónustu. Vestfjarðastofa sinnir greiningar- og stefnumótunarvinnu fyrir hönd sveitarfélaganna á Vestfjörðum. 

Innan vébanda Fjórðungssambands Vestfirðinga er starfandi fastanefnd um samgöngumál og fjarskipti, er þar meðal annars sett fram sameiginleg sýn Vestfirðinga í samgöngumálum og uppbyggingu innviða. Samgöngu- og fjarskiptastefna Vestfjarða er grundvöllur sóknar í samgöngumálum og sáttar um forgangsröðun verkefna.

Uppbygging innviða er eitt mikilvægasta hagsmunamál svæðisins. Vestfjarðastofa vinnur að hagsmunagæslu á því sviði. 

Á árinu 2020 hófst vinna að gerð Innviðaáætlun Vestfjarða. Innviðaáætlun samanstendur af samgönguáætlun, jarðgangaáætlun, raforkuáætlun og fjarskiptaáætlun. 

Starfsmaður

Aðalsteinn Óskarsson

Aðalsteinn Óskarsson

sviðsstjóri byggðamála

Tengd skjöl

Viðhorfskönnun fiskeldi og samgöngur 2022
Samanburður viðhorfskannanna 2022
Raforkumál á Vestfjörðum, skýrsla starfshóps ráðherra, apríl 2022
Samfélagsgreining vegna jarðganga á Vestfjörðum janúar 2022 
Jarðgangaáætlun Vestfjarða, apríl 2021
Raforkuspá Vestfjarða til 2035, júlí 2020
RHA - Samgöngur á Vestfjörðum - Viðhorfskönnun febrúar 2021

Tengd verkefni

Tengdar fréttir

Ársfundur fulltrúaráðs Vestfjarðastofu

Ársfundur fulltrúaráðs Vestfjarðastofu

Ársfundur fulltrúaráð Vestfjarðastofu var haldinn á Bíldudal miðvikudaginn 24. maí s.l.. Fundurinn var haldinn samkvæmt samþykktum Vestfjarðastofu um ársfundarstörf s.s. skýrslu stjórnar, ársreikning 2022, fjárhagsáætlun 2023 og staðfestingu á stjórn og starfsháttarnefnd. Auk þessa voru kynningar frá starfsmönnum Vestfjarðastofu um þau verkefni sem voru hvað helst á döfinni árið 2022
26. maí 2023
Tinna Rún Snorradóttir, rannsóknar- og þróunarstjóri hjá Bláma

Orkuþing Vestfjarða 2023 - það er ekki annaðhvort eða heldur bæði!

Orkuþing Vestfjarða 2023 var haldið í Edinborgarhúsinu á Ísafirði þann 12. apríl s.l.. Þingið var afar vel sótt að hálfu íbúa á Vestfjörðum auk fulltrúa atvinnulífs, félaga, stofnana, sveitarfélaga og ráðuneyta, alls um 90 manns. Orkumál Vestfirðinga hafa verið lengi í umræðunni, en þróun síðustu ára þrýstir á að nú þarf að taka ákvarðanir um stærri áfanga en teknir hafa verið til þessa. Viðfangsefni Orkuþingsins var að gefa þeim aðilum sem koma að verkefnum er varða orkumál á Vestfjörðum, tækifæri að kynna stöðu sinna verkefna, upplýsa um hindranir, hvað hefur áunnist og hver eru næstu skref
17. apríl 2023
Orkuþing Vestfjarða 2023 - Vestfirðir í átt að orkuskiptum

Orkuþing Vestfjarða 2023 - Vestfirðir í átt að orkuskiptum

Orkuþing Vestfjarða 2023 verður haldið miðvikudaginn 12, apríl n.k í Bryggjusal, Edinborgarhúsinu á Ísafirði
31. mars 2023
Nýjar áherslur Sóknaráætlunar Vestfjarða 2020-2024

Nýjar áherslur Sóknaráætlunar Vestfjarða 2020-2024

Við mótun Sóknaráætlunar var gert ráð fyrir endurskoðun á áherslum á miðju tímabili. Sett voru áhersluverkefni til fyrstu þriggja ára og árið 2022 var ráðist í endurskoðun á áherslum Sóknaráætlunarinnar. Endurskoðun á áherslum var unnin með samtölum við hagaðila, á Fjórðungsþingi Vestfirðinga og á Ungmennaþingi Vestfjarða haustið 2022.
23. mars 2023
Skýrsla Ríkisendurskoðunar um sjókvíaeldi

Skýrsla Ríkisendurskoðunar um sjókvíaeldi

Í lok janúar kom út skýrsla Ríkisendurskoðunar um sjókvíaeldi, lagaframkvæmd, stjórnsýslu og eftirlit. Uppbygging fiskeldis skiptir miklu máli fyrir samfélagið allt á Vestfjörðum og vert er að minna á að ríkissjóður nýtur góðs af þeim verðmætum sem starfssemin skapar. Í málflutningi Vestfjarðastofu og Fjórðungssambands Vestfirðinga undanfarin ár hefur verið lögð á það áhersla að hér er um að ræða stærsta tækifæri til jákvæðrar byggðaþróunar á svæðinu í áratugi og að atvinnugreinin hefur síðustu 10 ár byggst upp og skotið styrkari stoðum undir atvinnulíf og samfélög á Vestfjörðum.
01. mars 2023
Fiskeldi á Vestfjörðum

Niðurstöður viðhorfskönnunar um fiskeldi og samgöngur á Vestfjörðum

Það er mikilvægt að fylgjast með þróun mála á Vestfjörðum til að meta hvernig okkur miðar. Vestfjarðastofa sendi þann 22. september 2022 viðhorfskönnun um fiskeldi og samgöngur í pósti til allra Vestfirðingar en opið var til að svara fram til 9. nóvember 2022. Gefinn var góður tími til svörunar, bæði var send vefslóð og QR kóði og hver einstkalingur fékk sent lykilorð. Markmiðið með QR kóðanum var að ná til yngra fólks á Vestfjörðum og gera öllum kleift að svara á þægilegan hátt.
06. febrúar 2023
Ný stjórn Fjórðungsambands Vestfirðinga

Ný stjórn Fjórðungsambands Vestfirðinga

67. Fjórðungsþing Fjórðungssambands Vestfirðinga að hausti var haldið á Patreksfirði fyrir helgi og var þingið vel heppnað. Þingið skiptist í hefðbundin þingstörf og vinnudag ásamt því að kosið var í stjórn Fjórðungssambandsins.
12. september 2022
Fundur ríkisstjórnar á Ísafirði

Fundur ríkisstjórnar á Ísafirði

Ríkisstjórn Íslands fundaði í dag með sveitarstjórnarmönnum á Vestfjörðum og Vestfjarðastofu á Ísafirði fimmtudaginn 1. september. Á fundinum kom fram að meginviðfangsefni svæðisins snúa öll að því að styrkja samkeppnisstöðu Vestfjarða til búsetu, sem áfangastað ferðamanna og til fjárfestinga og atvinnustarfsemi.
02. september 2022