Location Westfjords

Eyrarrósin eru verðlaun sem veitt eru fyrir framúrskarandi menningarverkefni. Umsóknarfrestur er til 26. apríl.

Fiskeldi er vaxandi atvinnugrein á Vestfjörðum og miklu skiptir fyrir samfélag og atvinnulíf svæðisins að fiskeldi verði sjálfbær og kröftug atvinnugrein. KPMG hefur á síðustu mánuðum unnið skýrsluna “Greining á áhrifum fiskeldis á Vestfjörðum” fyrir Fjórðungssamband Vestfirðinga (FV) og Vestfjarðastofu. Helstu niðurstöður greiningar KPMG eru að íbúum hefur fjölgað síðan 2016 þar sem fiskeldi er komið vel af stað en þó er fjölgun íbúa ekki jafn mikil og væntingar voru um í fyrri skýrslu sem gefin var út árið 2017.

Ráðgjafar Vestfjarðastofu veita aðstoð í verkefnum á sviði nýsköpunar- og menningarmála.

Sýslið, miðstöð skapandi greina á Hólmavík, og Skjaldborg, hátíð íslenskra heimildarmynda, hafa verið valin fyrirmyndarverkefni Uppbyggingarsjóðs.

Eitt af þeim verkefnum sem hlutu styrk úr Uppbyggingarsjóði Vestfjarða árið 2020 er verkefnið Grænt og vænt handverk í heimabyggð. Kristín Þórunn Helgadóttir listamaður hefur síðustu árin unnið sjálfstætt við framleiðslu á eigin skartgripum og höggvið út styttur úr rekavið. Er hún með vinnustofu á Þingeyri og skapar þar fallega hluti og sækir efniviðinn beint úr náttúrinni.

Núna næstu vikur mun Vestfjarðastofa kynna árangur Áhersluverkefna sem unnið var að á síðasta ári. Árið 2020 verður eftirminnilegt fyrir margar sakir, en við hjá Vestfjarðastofu viljum minnast ‏þess sem árið sem Vestfirðir urðu sýnilegri. Sóknaráætlun 2020-2024 var samþykkt í október 2019 eftir víðtækt samráð við íbúa. Á árinu var unnið að fimm áhersluverkefnum og er eitt þeirra Sýnilegri Vestfirðir sem var samþykkt sem áhersluverkefni til þriggja ára og er hugsað sem framhald af verkefninu Vestfirðingar almannatengsl sem var áhersluverkefni árið 2018.

Úthlutunarnefnd Uppbyggingarsjóðs Vestfjarða hefur lokið við að fara yfir umsóknir um styrki vegna ársins 2021. Á fundum úthlutarnefndar þann 9. og 10. desember var tekin ákvörðun um úthlutun úr sjóðnum, en áður en úthlutunarnefnd fékk umsóknirnar til afgreiðslu höfðu fagráð farið yfir allar umsóknir. Allir þeir sem sóttu um í sjóðinn fengu senda niðurstöður í tölvupósti varðandi umsóknir sínar mánudaginn 14. desember. Aldrei hafa borist jafn margar umsóknir, en alls bárust sjóðnum 154 umsóknir upp á 260.134.240 kr. Fimm umsóknir frá árinu 2020 fengu stykir til tveggja ára og teljast þær því með styrkjum ársins 2021 en 53 nýjar umsóknir voru samþykktar. Samtals var því samþykkt að veita 58 verkefnum styrk að þessu sinni. Heildarupphæð úthlutunar fyrir árið 2021 er 58.600.000 kr.

Vestfjarðastofa stendur fyrir viðhorfskönnun um fiskeldi og samgöngumál á Vestfjörðum. Markmið könnunarinnar er að fá fram væntingar og viðhorf Vestfirðinga í þessum mikilvægu málaflokkum. Þetta er einn liður í stóru verkefni hjá Vestfjarðastofu um mótun framtíðarsýnar í fiskeldi.