Fara í efni

Fiskeldi - framtíðarsýn

Fiskeldi - framtíðarsýn

Fiskeldi framtíðarsýn er áhersluverkefni sem Vestfjarðarstofa hefur unnið að frá árinu 2019. Verkefnið hefur jafnframt fengið styrk úr sjóði C1 úr Byggðaáætlun.

Síðastliðið ár hefur verið rætt við fjölda hagaðila í fiskeldi. Unnin var viðhorfskönnun um fiskeldi og samgöngur haustið 2020 af RHA og KPMG er að vinna að úttekt um áhrif fiskeldis á Vestfjörðum sem er byggð á skýrslu sem unnin var 2016 um áhrif fiskeldis við Djúp.

Niðurstöður og fréttatengt efni verður hægt að nálgast á þessari síðu.

Fundir um framtíðarsýn í fiskeldi voru haldnir 20. og 21. september 2021 á Patreksfirði og Ísafirði.

Fundirnir voru báðir vel sóttir og tókust vel undir góðri fundarstjórn Ólafs Sveins Jóhannessonar á Patreksfirði og Héðins Unnsteinssonar á Ísafirði. Rúmlega 80 manns voru á hvorum fundi og til viðbótar fylgdust tæplega fjörtíu manns með síðari fundinum í streymi.

Hér til hægri á síðuna má sjá dagskrána, glærur og upptökur frá fundunum.

Starfsmaður verkefnis

Guðrún Anna Finnbogadóttir

Guðrún Anna Finnbogadóttir

verkefnastjóri

gudrunanna@vestfirdir.is

Tengd skjöl

KPMG Greining á áhrifum fiskeldis á Vestfjörðum
RHA - Fiskeldi á Vestfjörðum - niðurstöður viðhorfskönnunar
Fundir um framtíðarsýn í fiskeldi -upptökur og glærur

Tengd verkefni

Tengdar fréttir

Fyrirlesarar og fundarstjóri á Patreksfirði

Fiskeldi framtíðarsýn

Það var góð mæting á fundina "Fiskeldi framtíðarsýn" sem voru haldnir í september en nú er allt efni fundanna aðgengilegt á síðu Vestfjarðastofu.

05. október 2021

Frá fundinum á Patreksfirði fundarstjóri og fyrirlesarar: Björn Hembre, Ragnar Jóhannsson, Stein Ove…

Fundur um framtíðarsýn í fiskeldi

Vestfjarðarstofa boðaði í vikunni til funda undir yfirskriftinni framtíðarsýn í fiskeldi - þróun atvinnugreinar. Tveir fundir voru haldnir sá fyrri á Patreksfirði og sá síðari á Ísafirði þar sem hagaðilar, opinberir aðilar og íbúar komu saman til að kynna sér núverandi stöðu og framtíðarhorfur í fiskeldi á Vestfjörðum.

23. september 2021

Framtíðarsýn í fiskeldi - STREYMI

Framtíðarsýn í fiskeldi - STREYMI

Fyrir þá sem komast ekki á fundina mun Viðburðastofa Vestfjarða streyma frá fundinum á Ísafirði

21. september 2021

Opnað fyrir styrkumsóknir fyrir Nýsköpunar- og samfélagsmiðstöðvar

Opnað fyrir styrkumsóknir fyrir Nýsköpunar- og samfélagsmiðstöðvar

Opnað hefur verið fyrir styrkumsóknir fyrir Nýsköpunar- og samfélagsmiðstöðvar. Að þessu sinni eru 9 miljónir til úthlutunar og er hámarsstyrkur til hverrar miðstöðvar 3 miljónir kr. Verkefnið Nýsköpunar- og samfélagsmiðstöðar er áhersluverkefni Sóknaráráætlunar.

Fiskeldi á Vestfjörðum

Greining KPMG á áhrifum fiskeldis á Vestfjörðum

Fiskeldi er vaxandi atvinnugrein á Vestfjörðum og miklu skiptir fyrir samfélag og atvinnulíf svæðisins að fiskeldi verði sjálfbær og kröftug atvinnugrein. KPMG hefur á síðustu mánuðum unnið skýrsluna “Greining á áhrifum fiskeldis á Vestfjörðum” fyrir Fjórðungssamband Vestfirðinga (FV) og Vestfjarðastofu. Helstu niðurstöður greiningar KPMG eru að íbúum hefur fjölgað síðan 2016 þar sem fiskeldi er komið vel af stað en þó er fjölgun íbúa ekki jafn mikil og væntingar voru um í fyrri skýrslu sem gefin var út árið 2017.

Áhersluverkefni Sóknaráætlunar - árangur og staða.

Áhersluverkefni Sóknaráætlunar - árangur og staða.

Núna næstu vikur mun Vestfjarðastofa kynna árangur Áhersluverkefna sem unnið var að á síðasta ári. Árið 2020 verður eftirminnilegt fyrir margar sakir, en við hjá Vestfjarðastofu viljum minnast ‏þess sem árið sem Vestfirðir urðu sýnilegri. Sóknaráætlun 2020-2024 var samþykkt í október 2019 eftir víðtækt samráð við íbúa. Á árinu var unnið að fimm áhersluverkefnum og er eitt þeirra Sýnilegri Vestfirðir sem var samþykkt sem áhersluverkefni til þriggja ára og er hugsað sem framhald af verkefninu Vestfirðingar almannatengsl sem var áhersluverkefni árið 2018.

26. janúar 2021

Arnarfjörður

Hvað finnst Vestfirðingum um fiskeldi og samgöngur?

Vestfjarðastofa stendur fyrir viðhorfskönnun um fiskeldi og samgöngumál á Vestfjörðum. Markmið könnunarinnar er að fá fram væntingar og viðhorf Vestfirðinga í þessum mikilvægu málaflokkum. Þetta er einn liður í stóru verkefni hjá Vestfjarðastofu um mótun framtíðarsýnar í fiskeldi.

08. október 2020

Sóknaráætlun Vestfjarða

Sóknaráætlun Vestfjarða

Fjórðungssamband Vestfirðinga hefur leitt Sóknaráætlun Vestfjarða síðustu ár, en í byrjun ársins 2015 voru undirritaðir samningar milli ríkis og landshlutasamtaka sveitarfélaga sem náðu til fimm ára, nokkrum mánuðum síðar voru samþykkt á Alþingi lög um byggðaáætlun og sóknaráætlanir, nr. 69/2015. Síðan þ‏á hefur þessi sértæka byggðaáætlun fyrir landshlutann verið við líði og sérmerkt fjármagn komið frá ríki til að valdefla landshlutana. Sóknaráætlun Vestfjarða er unnin í viðtæku samráði við íbúa en markmið Sóknaráætlunar landshluta er að valdefla landshlutana ‏þannig að ákvörðunarréttur og ábyrgð á ráðstöfun þessa fjármagns sé á þeirra hendi.

18. september 2020