04. nóvember 2025
Störf í boði
Við hlökkum til að kynnast á þér!
Við erum að leita að Kjarnastjóra (deildarstjóra) í 100% starf sem getur hafið störf í janúar 2026 en einnig möguleiki á að byrja fyrr.
Leikskólinn Eyrarskjól er 5 Kjarna leikskóli staðsettur á Ísafirði þar sem unnið er eftir hugmyndafræði Hjallastefnunnar.
Í Eyrarskjóli er skemmtilegt starfsfólk, einstök vinnustaðamenning og jákvæður skólabragur.
Við leitum að jákvæðum og lífsglöðum einstakling sem til er í að tileinka sér starfshætti Hjallastefnunnar af gleði og kærleika. Viðkomandi þarf að sýna sjálfstæði í vinnubrögðum og hafa áhuga á jafnrétti og lýðræði í skólastarfi.
Til dæmis tilvalið fyrir nýútskrifaða leikskólakennara sem langar til að breyta um umhverfi.
Helstu verkefni og ábyrgð
- Leiðir kjarnann í jákvæðni, frumkvæði og skapandi lausnamiðuðu starfi.
- Tekur þátt í gerð skólanámskrár, ársáætlunar, mati á starfsemi leikskólans og þróunarverkefnum undir stjórn leikskólastjóra.
- Ber ábyrgð á stjórnun, skipulagningu, framkvæmd og mati starfsins á kjarnanum.
- Annast daglega verkstjórn á kjarnanum og ber ábyrgð á að miðla upplýsingum innan kjarna, milli kjarna leikskólans og milli leikskólastjóra og kjarnans.
- Ber ábyrgð á og stýrir kjarnafundum og kemur með hugmyndir fyrir undirbúningstíma starfsfólks kjarnans.
- Hefur umsjón með móttöku, þjálfun og leiðsögn nýs starfsfólks kjarnans í samvinnu við leikskólastjóra.
- Fylgist með að kjarninn sé búin viðeigandi uppeldis- og kennslugögnum í samvinnu við leikskólastjóra.
Menntunar- og hæfniskröfur
- Leikskólakennari og/eða starfsreynsla
- Lausnamiðuð hugsun
- Gleði, frumkvæði og vilji til náms
- Viðvera
Fríðindi í starfi
- Starfsfólk er í fríu fæði
- Vinnustytting