Deildarstjóri á hjúkrunar- og legudeild

25. ágúst 2022 Magnea Garðarsdóttir

Störf í boði

Deildarstjóri á hjúkrunar- og legudeild

Heilbrigðisstofnun Vestfjarða óskar að ráða kraftmikinn leiðtoga á legudeild á Patreksfirði. Hjúkrunardeildarstjóri ber mönnunarlega, rekstrarlega og faglega ábyrgð á deildunum í nánu samstarfi við hjúkrunarstjóra á Patreksfirði. Á deildinni eru ellefu hjúkrunarrými og tvö sjúkrarými og einkennist starfsemin af góðum starfsanda, umhyggju og hlýju.

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.

Boðið er upp á góða aðlögun í upphafi starfs og aðstoð við öflun húsnæðis.

Helstu verkefni og ábyrgð

Stjórn á skipulagi og framkvæmd hjúkrunar
Stjórn starfsmannahalds, mannaráðninga og daglegs rekstrar
Ábyrgð á gerð vaktaskráa og frágang á vinnuskýrslum til launadeildar
Samræming á mönnun, vinnulagi og þjónustu milli hjúkrunarheimila
Náið samstarf við heilsugæslu

Menntunar- og hæfniskröfur

Íslenskt hjúkrunarleyfi
Framhalds- eða sérmenntun sem nýtist í starfi er æskileg
Stjórnunarreynsla æskileg
Sjálfstæði í starfi
Jákvæðni og góð hæfni í mannlegum samskiptum
Íslenskukunnátta skilyrði

Með umsókn skal fylgja ítarleg náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu. Leggja skal fram staðfestar upplýsingar um menntun, fyrri störf og reynslu.

Viðtöl verða tekin við umsækjendur og byggist ákvörðun um ráðningu í starfið á þeim ásamt innsendum gögnum og umsögnum meðmælenda.
Tekið er mið af jafnréttisstefnu stofnunarinnar við ráðningu.

Patreksfjörður- og Vestfirðir í heild er paradís útivistarfólks og skiptir þá litlu í hvaða byggðarkjarna eða sveit fólk kemur sér fyrir. Óvíða ef nokkurs staðar er jafn stutt að fara úr iðandi mannlífi yfir í ósnortna náttúru og möguleikar til útivistar eru óteljandi, hvort sem er að sumri eða vetri. Enginn tími fer í ferðalög til og frá vinnu. Börnin eru eins og blóm í eggi í leikskóla, grunnskóla, tónlistarskóla, íþróttastarfi, menntaskóla og jafnvel lýðskóla eða háskóla.

Fullt af spennandi atvinnutækifærum fyrir maka og margvísleg starfsemi sem krefst háskólamenntunar á svæðinu,

Öllum umsóknum verður svarað þegar tekin hefur verið ákvörðun um ráðningu.

Til baka í yfirlit