Lausar til umsóknar eru tvær stöður:
Umsjónarkennari á unglingastigi og íþróttakennari:
20. ágúst 2025
Störf í boði
Tálknafjarðarskóli er samrekinn grunn- og leikskóli þar sem fram fer öflugt og framsækið skólastarf. Áhersla er lögð á að koma til móts við hvern og einn nemanda. Skólinn er öflugur grænfánaskóli, heilsueflandi skóli og UNESCO skóli.
Starfssvið
- Almenn kennsla og/eða íþrótta- og sundkennsla.
- Stuðla að velferð nemenda í samstarfi við foreldra og annað fagfólk.
- Vinna samkvæmt stefnu skólans.
- Vinna að því að skapa gott andrúmsloft í skólanum og tryggja öryggi og velferð nemenda og starfsfólks.
- Önnur verkefni skv. starfslýsingu og sem yfirmaður felur starfsmanni.
Menntunar- og hæfniskröfur
- Leyfi til að nota starfsheitið kennari.
- Reynsla og áhugi á að starfa með börnum á grunnskólastigi.
- Lipurð í samskiptum, jákvæðni og sveigjanleiki í starfi.
- Faglegur metnaður.
- Frumkvæði og sjálfstæð vinnubrögð.
- Færni í að vinna í teymum og að fjölbreyttum verkefnum.
- Skipulögð vinnubrögð, sjálfstæði og frumkvæði, góðir samskiptahæfileikar og þjónustulund.
- Getur tileinkað sér skólastefnu Tálknafjarðarskóla, s.s. Heillaspor o.fl.
- Góð íslenskukunnátta.
Umsóknarfrestur er til og með 31. ágúst 2025
Laun eru samkvæmt kjarasamningum Sambands íslenskra sveitarfélaga við viðkomandi stéttarfélag. Umsækjendur mega hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá.
Umsókn um starf skal fylgja skrá yfir menntun og starfsferil og afrit af leyfisbréfi ef við á og upplýsingar um umsagnaraðila.
Frekari upplýsingar gefur Magnús Arnar Sveinbjörnsson, sviðsstjóri fjölskyldusviðs. Umsækjandi er aðstoðaður við að finna húsnæði og veittur er flutningsstyrkur. Umsóknir skulu berast á netfangið magnusarnar@vesturbyggd.is. Vesturbyggð áskilur sér rétt til að hafna öllum umsóknum.