Við auglýsum eftir þjónustufulltrúa til sumarstarfs á Hornstrandastofu í sumar. Starfshlutfall getur verið frá 60-100% eftir samkomulagi.
Umhverfisstofnun hefur umsjón með yfir hundrað náttúruverndarsvæðum. Eitt af okkar stærstu verkefnum í náttúruvernd er uppbygging innviða með bætt aðgengi, öryggi og verndun að leiðarljósi. Hornstrandastofa heyrir undir Umhverfisstofnun og mun þjónustufulltrúinn vinna í teymi náttúruverndar þar sem áhersla er á þverfaglega teymisvinnu. Hlutverk þjónustufulltrúa er að þjónusta gesti, veita upplýsingar um svæðið, auk þess að hafa umsjón með gestastofu og söluvarningi.
Hornstrandastofa er gestastofa í Ísafjarðarbæ. Þar er að finna upplýsingar um friðlandið Hornstrandir sem þjónustar gesti á leið í friðlandið og aðra um náttúru þess, menningu og aðgengi.
Helstu verkefni og ábyrgð
-
Móttaka gesta, fræðsla og upplýsingagjöf
-
Þjónusta og afgreiðsla í gestastofu
-
Halda utan um söluvarning
-
Halda sýningarrými snyrtilegu
-
Svara fyrirspurnum í tölvupósti
-
Önnur tilfallandi verkefni
Hæfniskröfur
-
Þekking á Hornströndum er kostur
-
Framúrskarandi hæfni í samskiptum og þjónustulund
-
Gott vald á íslensku og ensku. Frekari tungumálakunnátta er kostur
-
Reynsla af þjónustustörfum er kostur
-
Sjálfstæð vinnubrögð
-
Áhugi á umhverfismálum er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Næsti yfirmaður á Hornströndum er Kristín Ósk Jónasdóttir svæðissérfræðingur og veitir hún helstu upplýsingar um starfið en auk hennar veitir Þórdís Helgadóttir mannauðssérfræðingur einnig upplýsingar í síma 591-2000.
Umhverfisstofnun er fjölbreyttur og lifandi vinnustaður. Við búum yfir fjölbreyttri sérfræðiþekkingu, höfum tækifæri til að þróast í starfi og ástunda endurmenntun.Við störfum í teymum, vítt og breitt um landið á 9 starfsstöðvum og eftir vottuðum gæðakerfum. Við erum með jafnlaunavottun, með virka umhverfisstefnu og störfum samkvæmt Grænum skrefum, www.graenskref.is. Sjá nánari upplýsingar um Umhverfisstofnun á www.umhverfisstofnun.is.
Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags. Umsóknir geta gilt í 6 mánuði frá því að umsóknarfrestur rennur út.
Við hvetjum áhugasama til að sækja um, óháð kyni og uppruna.
Umsóknarfrestur um starfið er til 12.apríl 2024.
Starfshlutfall er 60-100%
Umsóknarfrestur er til og með 12.04.2024
Nánari upplýsingar veitir
Kristín Ósk Jónasdóttir, kristin.o.jonasdottir@umhverfisstofnun.is
Sími: 5912000