Leikskólinn Sólborg á Ísafirði óskar eftir matráði í 87,5% starf. Æskilegt er að viðkomandi geti hafið störf 1. júlí 2024. Matráður hefur yfirumsjón með eldhúsi, sér um matseld og bakstur, skipuleggur matseðla allt að mánuð fram í tímann og annast innkaup á matvörum, áhöldum og tækjum. Vinnutími er frá 07.00 til 14.00. Næsti yfirmaður er leikskólastjóri.
Helstu verkefni og ábyrgð
- Matseld og undirbúningur matmáls- og kaffitíma
- Skipuleggur matseðil í samráði við leikskólastjóra og næringarfræðing
- Innkaup á matvælum og hreinlætisvörum
- Uppvask, frágangur og þrif í eldhúsi
Hæfniskröfur
- Menntun sem nýtist í starfi og reynsla af störfum í mötuneyti æskileg
- Reynsla af störfum í leikskóla kostur
- Frumkvæði, skipulagshæfni og sjálfstæði í vinnubrögðum
- Áhugi á að vinna á líflegum og skemmtilegum vinnustað
- Jákvæðni og lipurð í mannlegum samskiptum
- Þolinmæði, umburðarlyndi og rík þjónustulund
- Góð íslenskukunnátta
Launakjör eru samkvæmt samningum launanefndar sveitarfélaga við viðkomandi stéttarfélag (Kjöl / VerkVest).
Umsóknarfrestur er til og með 5. maí 2024. Umsóknir skulu sendar til Helgu Bjarkar Jóhannsdóttur leikskólastjóra á netfangið solborg@isafjordur.is. Með umsókn skal fylgja starfsferilskrá. Umsókn getur gilt í 6 mánuði.
Nánari upplýsingar veitir Helga Björk, í síma 450-8285 / 848-2097 eða í gegnum ofangreindan tölvupóst.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-