Innviðaráðuneytið — Staða sérfræðings hjá Jöfnunarsjóði sveitarfélaga

Innviðaráðuneytið óskar eftir að ráða sérfræðing til starfa hjá Jöfnunarsjóði sveitarfélaga en sjóðurinn er hluti af skrifstofu sveitarfélaga og byggðamála í ráðuneytinu.

Sérfræðingnum er ætlað að vinna að útreikningi framlaga sjóðsins, að greiningum, upplýsingaöflun og framsetningu tölfræðiupplýsinga og gerð reiknilíkana.

• Háskólamenntun á sviði viðskipta- eða hagfræði.

• Framhaldsmenntun sem nýtist í starfi

• Góð reynsla af vinnu fjárhagsupplýsinga

• Mjög góð kunnátta í excel bæði til öflunar og úrvinnslu upplýsinga og gerð líkana

• Frumkvæði og geta til að starfa sjálfstætt, sem og í hópi

• Þjónustulund, jákvæðni og góð hæfni í samskiptum

• Drifkraftur, metnaður og skipulagshæfileikar

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Athygli er vakin á því að í samræmi við byggðastefnu stjórnvalda er starfið auglýst án staðsetningar.

Ráðuneytið hvetur einstaklinga óháð kyni til að sækja um starfið. Umsóknir gilda í 6 mánuði frá því að umsóknarfrestur rennur út.