Innviðaráðuneytið auglýsir eftir lögfræðingi á skrifstofu sveitarstjórnar- og byggðamála.
Helstu verkefni og ábyrgð
Helstu verkefni eru m.a. afgreiðsla stjórnsýsluverkefna á sviði sveitarstjórnarmála, verkefni tengd eftirliti ráðuneytisins með stjórnsýslu sveitarfélaga og utanumhald því tengdu, svo sem staðfesting á samþykktum sveitarfélaga og samstarfssamningum þeirra á milli, vinna við gerð lagafrumvarpa og samningu reglugerða, aðkoma að gerð samninga o.fl. Í starfinu felst jafnframt þátttaka í starfshópum á verkefnasviði skrifstofunnar, m.a. varðandi stefnumótun, samskipti við stofnanir, Alþingi og almenning.
Hæfniskröfur
-
Embættis- eða meistaraprófi í lögfræði.
-
Góð þekking á stjórnsýslu- og sveitarstjórnarrétti.
-
Þekking á málefnum sveitarfélaga.
-
Gott vald á íslensku í ræðu og riti og ensku.
-
Kunnátta í einu Norðurlandamáli er kostur.
-
Frumkvæði og geta til að starfa sjálfstætt, sem og í hóp.
-
Drifkraftur, metnaður og skipulagshæfileikar.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.
Um er að ræða fullt starf. Athygli er vakin á því að í samræmi við byggðastefnu stjórnvalda er starfið auglýst án staðsetningar.
Umsókn þarf að fylgja ferilskrá prófskírteini og kynningarbréf þar sem gerð er grein fyrir ástæðu umsóknar og hæfni umsækjanda í starfið og umsagnaraðila. Öllum umsóknum verður svarað þegar ákvörðun um ráðningu liggur fyrir.
Ráðuneytið hvetur einstaklinga óháð kyni til að sækja um starfið. Umsóknir gilda í 6 mánuði frá því að umsóknarfrestur rennur út. Viðkomandi þarf að geta hafið störf sem fyrst.
Starfshlutfall er 100%
Umsóknarfrestur er til og með 19.04.2024
Nánari upplýsingar veitir
Aðalsteinn Eyþór Þorsteinsson, adalsteinn.thorsteinsson@irn.is
Sími: 545-8200