Heilbrigðisstofnun Vestfjarða á Ísafirði óskar að ráða hjúkrunarfræðing til sumarafleysinga frá 1. júní 2024, eða eftir nánara samkomulagi.
Helstu verkefni og ábyrgð
Verkefni á deildinni eru afar fjölbreytt. Um er að ræða almenn störf hjúkrunarfræðings á blandaðri akút legudeild. Einnig sinnir starfsfólk deildarinnar sængurkonum og nýburum utan dagvinnu ljósmóður, annast göngudeild fyrir krabbameinslyfjagjafir og aðrar sérhæfðar lyfjagjafir auk þess að aðstoða við slysamóttöku á slysadeild utan dagvinnu.
Hér er gott tækifæri fyrir reynslumikinn hjúkrunarfræðing sem langar að breyta um umhverfi. Einnig er þetta kjörin staða fyrir þá sem vilja öðlast fjölbreytta reynslu í alhliða hjúkrun. Á deildinni starfar öflugur hópur um 25 hjúkrunarfræðinga og sjúkraliða. Þar er góður starfsandi sem einkennist af samheldni, vináttu, metnaði og gleði.
Hæfniskröfur
-
Íslenskt hjúkrunarleyfi
-
Frumkvæði og sjálfstæði í starfi
-
Jákvæðni og góð hæfni í mannlegum samskiptum
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Með umsókn skal fylgja ferilskrá ásamt afriti af prófskírteinum og starfsleyfi. Möguleiki er á að stofnunin aðstoði við öflun íbúðarhúsnæðis.
Öllum umsóknum verður svarað þegar ráðning hefur verið ákveðin. Umsókn getur gilt í allt að 6 mánuði.
Starfshlutfall er 70-100%
Umsóknarfrestur er til og með 12.02.2024
Nánari upplýsingar veitir
Þórunn Pálsdóttir, thorunn@hvest.is
Sími: 450 4500