29. september 2025
Störf í boði
Heilbrigðiseftirlit Vestfjarða auglýsir lausa til umsóknar stöðu heilbrigðisfulltrúa með starfssvæði á Vestfjörðum. Skrifstofan er í Bolungarvík. Heilbrigðisfulltrúar starfa í umboði heilbrigðisnefnda og hafa umsjón með leyfisveitingum fyrirtækja og eftirlit með hollustuháttum, matvælum, umhverfisgæðum og mengandi starfsemi í samræmi við eftirlitsáætlun hverju sinni.
Helstu verkefni og ábyrgð
- Eftirlit með fyrirtækjum og stofnunum
- Útgáfa starfsleyfa, skráning og skýrslugerð
- Fagleg ráðgjöf og umsagnir
- Móttaka ábendinga og kvartana
- Gerð gátlista og verklagsreglna
- Fræðsla og upplýsingamiðlun til fyrirtækja, stofnana og almennings
Menntunar- og hæfniskröfur
- Krafa er um háskólamenntun á sviði matvæla, raunvísinda, verkfræði, heilbrigðisvísinda eða sambærilega menntun sem nýtist í starfi.
- Viðkomandi þarf að hafa eða afla sér réttinda til að starfa sem heilbrigðisfulltrúi skv. reglugerð 571/2002 um menntun og skyldur heilbrigðisfulltrúa.
- Reynsla af sambærilegri vinnu er kostur
- Þekking á umhverfismálum og neysluvatnsmálum er kostur
- Æskilegt að viðkomandi hafi gott vald á íslensku, bæði rituðu og töluðu máli.
- Gott vald á ensku er kostur.
- Viðkomandi þarf að eiga auðvelt með samskipti við fólk.
- Bílpróf er skilyrði.