Skóla- og tómstundasvið Ísafjarðarbæjar auglýsir laust til umsóknar starf forstöðumanns íþróttamiðstöðvar á Þingeyri. Leitað er að kröftugum einstaklingi sem býr yfir miklum skipulagshæfileikum, sýnir frumkvæði, sjálfstæði og metnað í starfi. Æskilegast er að viðkomandi geti hafið störf 13. júní 2024 eða eftir nánara samkomulagi. Næsti yfirmaður er sviðsstjóri skóla- og tómstundasviðs.
Á Þingeyri búa um 270 íbúar en þar má finna öflugan grunn- og leikskóla, íþróttahús, sundlaug, golfvöll, reiðskemmu og litla verslun. Umhverfið er rómað fyrir mikla náttúrufegurð og býður upp á fjölmarga möguleika til að njóta hennar. Í Ísafjarðarbæ öllum búa um 3800 íbúar en Ísafjörður er í um 50 km fjarlægð frá Þingeyri.
Helstu verkefni og ábyrgð:
- Umsjón og ábyrgð á rekstri íþróttamannvirkja sveitarfélagsins á Þingeyri
- Heldur utan um rekstur og mannahald, semur vaktaplön fyrir starfsmenn
- Minniháttar viðhald í mannvirkjum
- Umsjón með innkaupum aðfanga í samræmi við innkaupareglur Ísafjarðarbæjar
- Ábyrgð á því að starfsemin sé í samræmi við gildandi lög og reglugerðir
- Umsjón með rekstri tjaldstæðis á Þingeyrarodda, s.s. umhirða mannvirkja og þrif, veita upplýsingar og ýmsa þjónustu til gesta og rukka fyrir afnot
- Er fulltrúi sveitarfélagsins út á við í sínum málaflokki
Menntunar og hæfniskröfur:
- Menntun sem nýtist í starfi
- Starfsreynsla á sviðinu æskileg
- Frumkvæði og sjálfstæði
- Framúrskarandi hæfni í mannlegum samskiptum
- Haldgóð þekking í skyndihjálp
- Sveigjanleiki og rík þjónustulund
- Góð íslensku- og enskukunnátta
Launakjör eru samkvæmt samningum launanefndar sveitarfélaga við Kjöl/VerkVest.
Umsóknarfrestur er til og með 23. apríl 2024. Umsóknir skal senda til Baldurs Inga Jónassonar mannauðsstjóra í netfangið baldurjo@isafjordur.is. Með umsókn skal fylgja ferilskrá og afrit af prófskírteini / prófskírteinum, ásamt kynningarbréfi þar sem í stuttu og kjarnyrtu máli er gert grein fyrir kostum umsækjanda sem nýtast í starfi. Umsókn getur gilt í 6 mánuði.
Allar nánari upplýsingar veitir Hafdís Gunnarsdóttir, sviðsstjóri skóla- og tómstundasviðs hafdisgu@isafjordur.is eða í síma 450-8000.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-