Ísafjarðarbær auglýsir laust til umsóknar 100% starf verkefnastjóra tæknilausna og innkaupa á stjórnsýslu- og fjármálasviði. Æskilegt er að viðkomandi geti hafið störf sem fyrst.
Leitað er að framsæknum og kraftmiklum einstaklingi í stafræna þróun og tækniþjónustu sveitarfélagsins, innleiðingu Microsoft 365 lausna, og ráðgjöf og verkefni sameiginlegra vöru- og þjónustukaupa sveitarfélagsins.
Helstu verkefni:
- Umsjón með rekstri upplýsingakerfa
- Þróun, innleiðing og viðhald nýrra tæknilausna, sérstaklega Microsoft 365 lausna
- Samskipti við þjónustuaðila tölvu- og hugbúnaðarþjónustu sveitarfélagsins
- Útboð, örútboð og verðfyrirspurnir
- Stýring, yfirsýn og samræming vöru- og þjónustuinnkaupa
- Greiningarvinna, stefnumótun, ferla- og öryggismál
- Samningagerð og samskipti við birgja og yfirferð gildandi samninga
- Upplýsingagjöf, aðstoð og miðlun til starfsmanna
Hæfniskröfur:
- Háskólamenntun sem nýtist í starfi
- Þekking á rekstri og uppbyggingu upplýsingakerfa
- Tækniþekking, reynsla og áhugi á stafrænum lausnum (s.s. Microsoft 365)
- Þekking og reynsla af verkefnastjórnun er kostur
- Reynsla við útboðsgerð, innkaup og samningagerð kostur
- Þekking á rammasamningum Ríkiskaupa kostur
- Skipulagshæfni, frumkvæði og sjálfstæði í vinnubrögðum
- Kunnátta og hæfni í ráðgjöf og að miðla sýn og þekkingu
- Rík þjónustulund og sveigjanleiki, færni í samskiptum og samningagerð
- Góð tölvukunnátta, talnagleggni og greiningarhæfni
- Mjög góð íslensku- og enskukunnátta, ásamt færni í ræðu og riti
- Þekking á skipulagi og stjórnsýsluháttum í opinberri stjórnsýslu er kostur
Launakjör eru samkvæmt samningum launanefndar sveitarfélaga við viðkomandi stéttarfélag. Boðið er upp á sveigjanlegan vinnutíma með ýtrustu vinnustyttingu (36 stunda vinnuviku). Önnur hlunnindi eru sérstakur stuðningur vegna fjarnáms, íþróttastyrkur og afsláttur af árskorti í sund.
Umsóknarfrestur er til og með 7. apríl 2024. Umsóknum skal skilað til mannauðsstjóra Ísafjarðarbæjar á netfangið baldurjo@isafjordur.is og með þeim skal fylgja starfsferilskrá og kynningarbréf. Umsókn getur gilt í 6 mánuði.
Nánari upplýsingar veitir Bryndís Ósk Jónsdóttir, sviðsstjóri stjórnsýslu- og fjármálasviðs, í síma 450-8000 eða í gegnum tölvupóst bryndis@isafjordur.is. Öllum umsóknum verður svarað þegar ákvörðun um ráðningu hefur verið tekin.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins.
-Við þjónum með gleði til gagns-