Fara í efni

Arnarlax - Fjármálastjóri

07. október 2025 Kristín Hulda Guðjónsdóttir
Störf í boði
Arnarlax - Fjármálastjóri

Arnarlax leitar að öflugum fjármálastjóra til að leiða fjármálateymi og ganga til liðs við framkvæmdastjórn fyrirtækisins.

Fjármálastjóri hefur yfirumsjón með fjármálum Arnarlax. Um er að ræða lykilhlutverk í vaxandi framleiðslufyrirtæki sem starfar á alþjóðlegum vettvangi. Skrifstofa fjármálastjóra er í Kópavogi eða á Bíldudal, en starfinu fylgja ferðalög bæði innanlands sem utan.

 
Helstu verkefni og ábyrgð
  • Áhersla á innri þjónustu og daglega stjórnun fjármálastarfsemi fyrirtækisins
  • Leiða fjármálateymi og styðja við stefnumótun og rekstraráætlanir
  • Áætlunargerð félagsins, framþróun á ferlum og kerfum eftir því sem við á
  • Viðhald og þróun á upplýsingagjöf til innri og ytri hagaðila félagsins
  • Hafa umsjón með fjárhagsuppgjörum og bókhaldi í samræmi við kröfur skráðra félaga, þ.m.t. ársfjórðungsleg skýrslugjöf til fjármálamarkaða
  • Byggja upp traust og fagleg samskipti við fjárfesta og banka
  • Yfirsýn yfir reikningsskilaaðferðir félagsins og ferlum í kringum reikningshald og aðrar árangursmælingar
 
Menntunar- og hæfniskröfur
  • Háskólamenntun sem nýtist í starfi, t.d. í fjármálum, endurskoðun og reikningshaldi
  • Árangursrík reynsla af fjármálastjórnun, áætlanagerð og greiningum
  • Víðtæk þekking á IFRS alþjóðlegum reikningsskilastöðlum
  • Góð greiningarhæfni og gott vald á úrvinnslu og framsetningu fjárhagsupplýsinga
  • Samskiptafærni og þjónustulund
  • Áhugi á framleiðslu og iðnaði er kostur
  • Mjög góð enskukunnátta; kunnátta í norrænum tungumálum er kostur
  • Vilji og geta til að ferðast reglulega vestur og erlendis
 

Arnarlax er leiðandi laxeldisfyrirtæki á Íslandi með aðalstarfsemi á Vestfjörðum og með höfuðstöðvar á Bíldudal. Arnarlax teymið samanstendur nú af um 170 hæfu fólki á öllum stigum virðiskeðjunnar. Hjá fyrirtækinu starfar einvala hópur fólks af öllum kynjum og ýmsum þjóðernum sem vinna saman að framleiðslu fyrsta flokks lax til viðskiptavina um allan heim.

Við erum með starfsemi í 5 mismunandi sveitarfélögum með starfsstöðvar á Bíldudal, Patreksfirði, Tálknafirði og Kópavogi, og með seiðaframleiðslu á Tálknafirði, Þorlákshöfn og Hallkelshólum.

Vinsamlegast látið ferilskrá á ensku fylgja með umsókninni.

Frekari upplýsingar um starfið er að finna hér

Sækja um starf 

Til baka í yfirlit