Fundur Framkvæmdarráðs 6.03. 2018 Haldinn á Hólmavík.
Mættir fundarmenn Davíð Gunnarsson Patreksfirði, Jenný Jensdóttir Kaldrananeshreppi, Jón Páll Hreinsson Bolungarvíkurkaupstað, Nanný Arna Guðmundsdóttir Ísafjarðarkaupstað, Pétur G. Markan Súðarvíkurhreppi og Lína Björg Tryggvadóttir verkefnastjóri sem einnig ritaði fundargerð.
1. Framkvæmdaráætlun 2014-2020
Fjallað um menningarminjar og viðkvæm ferðamannasvæði. Í úttekt var gerð athugasemd varðandi þessi atriði og þarf Framkvæmdarráð að komast að niðurstöðu hvernig er hægt að ná þeim þáttum inn. Framkvæmdarráð lagði til að sagt yrði frá því að sveitarfélögin starfi undir almennum lögum um menningarminjar. Einnig skulu sveitarfélög leggja áherslu á það að setja kafla um verndun menningarminja inn í Aðalskipulag sveitarfélaga þegar kominn er tími á að taka þau upp og endurgera. Verkefnastjóra falið að finna fleiri verkefni sem geta komin inn í Framkvæmdaáætlunina varðandi þetta málefni.
Viðkvæm ferðamannasvæði – Framkvæmdarráð lagði til að sagt væri frá því í Framkvæmdaáætlun að sveitarfélögin eru aðilar að ferðamálasamtökum sem stýra aðgangi ferðamanna. Sveitarfélögin vinna að DMP verkefnum og verkefnum sem eru unnin í tengslum við Framkvæmdarsjóði Ferðamálastaða. Verkefnastjóra falið að vinna málið áfram í Framkvæmdaáætlun.
Skemmtiferðaskip- fjallað um skemmtiferðaskip og umræða um hvaða þætti væri hægt að setja inn í Framkvæmdaráætlun varðandi þau. Verkefnastjóra falið að vinna áfram samkvæmt umræðum er skapaðist um þetta málefni.
2. Tillaga lögð fram um breytingu á Framkvæmdarráði:
Framkvæmdarstjórar sveitarfélagana skulu sitja í Framkvæmdarráði Umhverfisvottunar. Ekki skulu vera sér fundir Framkvæmdarráðs en verkefnastjóri skal nýta annan vettvang til að kynna verkefnið a.m.k þrisvar á ári og vera þá með kynningu á verkefninu og koma með skjöl sem þarf að undirrita. Á þessum kynningum skal einnig kynna Framkvæmdaráætlun og Áhættumat. Tillaga samþykkt og verkefnastjóra falið að vinna málið áfram.
3. Fjallað um hvert hlutverk Græns teymis á að vera.
Tillaga Framkvæmdarráðs: Teymið skal aðstoðar verkefnastjóra við Framkvæmdaráætlun, halda úti þeim Facebook síðum sem eru til varðandi verkefni og önnur verkefni og hugmyndavinnu sem snýr að Umhverfisvottuninni. Framkvæmdarráð samþykkir tillöguna og mun verkefnastjóri vinna málið áfram.
4. Skilgreining á verkefninu Umhverfisvottaðir Vestfirðir – Sveitarfélögin ákváðu að vinna að verkefninu og hafa sýnt það í verki að þau eru sammála um að það skipti máli fyrir svæðið. Sveitarfélögin hafa einsett sér að huga til framtíðar og sýna það í verki með því að hafa verkefnastjóra í verkefninu og hafa þannig sett fordæmi fyrir fyrirtæki á svæðinu með sjálfbærri hugsun að leiðarljósi. Með upptöku hliðarverkefnisins „Græn skref í sveitarfélaginu mínu „ hafa sveitarfélögin gengið enn lengra að festa umhverfissjónarmið inn í starfsemi sína og stofnana þeirra. Framkvæmdarráð er sammála því að verkefnið sé til framtíðar og skipti sköpum í allri umræðu tengdri uppbyggingu matvælaframleiðslu og ferðaþjónustu á svæðinu.
5. Áhættumat lag fyrir og farið ítarlega yfirskjalið – Verkefnastjóra falið að laga þá punkta sem fram komu.
6. Stefna sveitarfélaganna – Bæta inn í stefnu að hvetja Ferðaþjónustufyrirtæki og fyrirtæki í matvælaframleiðslu til að fá starfsemin sína vottaða. Verkefnastjóra falið að breyta því sem fjallað var um og senda til samþykktar til sveitarfélaganna.
7. Græn skref sveitarfélaganna – farið yfir stöðu verkefnisins. Rætt um kynningarferð og úttekt.
8. Laga og reglugerðarskrá – Kynnt
9. Önnur mál –
a) Rafhleðslustöðvar- Er einhver samvinna sveitarfélaganna varðandi þau mál? Ekki verið formleg umræða innan Vestfjarðarstofu. Framkvæmdarráð leggur til að skoðaður sé grundvöllur til að huga að þessu máli í gegnum Umhverfisvottaða Vestfirði.
b) Plastpokalausir Vestfirðir –Framkvæmdarráð leggur til að biðlað sér til skóla sveitarfélaganna og athugað hvort að þeir geti lagt til vinnu varðandi verkefnið- t.d láti nemendur sauma poka.
Fleira ekki gert og fundi slitið kl. 14:00