Símafundur framkvæmdarráðs umhverfisvottunar Vestfjarða
Fimmtudaginn 22.10.2015.
Mættir fundarmenn: Ásta Þórisdóttir Strandabyggð, Ásthildur Sturludóttir Vesturbyggð, Sandra Rún Björnsdóttir Reykhólahreppi, Jenný Jensdóttir Kaldrananeshreppur, Nanný Arna Guðmundsdóttir Ísafjarðarbæ, Pétur Markan Súðavíkurhreppur. Lína Björg Tryggvadóttir FV sem einnig skrifaði fundargerð.
- Fastir mánaðarlegir fundir Framkvæmdarráðs – ákveðið var að festa fundi einu sinni í mánuði hjá framkvæmdarráði. Fundirnir verða þriðja hvern miðvikudag í mánuði. Næsti fundur er því áætlaður miðvikudaginn 18. nóvember 2015.
- Kosning formann Framkvæmdarráðs – Nanný Arna Guðmundsdóttir bauð sig fram sem formann og var kosin samróma.
- Plastpokalausir Vestfirðir – Verkefnið er í gangi í ýmsum formum í sveitarfélögunum. Búa þarf til heildar áætlun fyrir öll sveitarfélögin þannig að verkefnið fylgi ákveðnum forsendum í öllum sveitarfélögunum. Verkefnastjóri mun skoða hvort að hægt sé að setja saman kynningarpakka þannig að öll sveitarfélögin fái sömu kynningu á verkefninu fyrir almenning jafnt sem og sveitarstjórnir. Verkefnastjóri skoðar hvort að hægt sé að flétta inn í kynninguna kynningu á verkefninu í heild , einnig gætu sveitarfélögin nýtt kynninguna til að kynna í leið Grænfána verkefni eða önnur umhverfisverkefni sem eru í gangi í sveitarfélaginu. Inn í kynningu verð einnig fjallað um hvernig er hægt að minnka umfang sorps, hvernig er hægt minnka notkun á orku og þess háttar. Verkefnisstjóri mun tala við starfsmann á Stykkishólmi sem sér um umhverfisverkefnið þar og kynna sér hvernig samskonar kynning hefur verið gerð þar. Verkefnastjóri kannar hvernig þesskonar kynning gæti verið uppsett og hverjir tækju þátt í henni ásamt að setja upp kostnaðaráætlun varðandi hana. Aðilar í framkvæmdarráði sjá um að koma skilaboðum til sveitarstjórnar varðandi þessa kynningu og einnig sjá um að tala við rekstaraðila í verslunum upp á að þeir viti að sveitarfélagið sé að stefna á plastpokalausa Vestfirði þannig að verslanir geti gert breytingar og tekið plastpoka út og komið með aðrar lausnir í staðinn.
4. Vegspjöld til að setja þegar keyrt er inn í Vestfirði. – Framkvæmdarráð var sammála því að verkefnisstjóri myndi athuga hvort að megi setja merkingar á spjöld Vegagerðarinnar sem eru þegar uppsett í jaðri sveitarfélaganna. Verkefnastjóri mun einnig athuga hver kostnaður er við að fá útbúna límmiða sem settir yrðu á spjöldin ár hvert.
Fleira ekki gert og fundi slitið kl. 10:52.