Sterkar Strandir

Brothættar byggðir er ein af aðgerðum Byggðaáætlunar 2020-2024 og er sértækt verkfæri Byggðastofnunar til að aðstoða byggðarlög sem standa höllum fæti. Verkefnið er ætlað byggðarlögum sem glímt hafa við viðvarandi fólksfækkun, fækkun atvinnutækifæra og það að atvinnulíf og þjónusta hafa veikst.  Verkefnið er samstarfsverkefni heimamanna, Strandabyggðar, Byggðastofnunar og Vestfjarðastofu og er verkefnisstjórn skipuð fulltrúum þessara aðila. 

Nú er auglýst eftir umsóknum um styrki. 

Auglýst er eftir umsóknum um styrki í tengslum við Sterkar Strandir. Um er að ræða fjórðu og síðustu úthlutun í verkefninu, en verkefnið er hluti af byggðaþróunarverkefninu Brothættar byggðir í Strandabyggð.

 Hægt er að sækja um styrki á vef Vestfjarðastofu, hér. 

Umsóknarfrestur er til kl. 16:00 þann 23. janúar 2023.

Verkefnum sem verða styrkt að þessu sinni þarf að vera lokið í síðasta lagi 31. desember 2023, og eru umsækjendur beðnir um að hafa það að sérstöku leiðarljósi við gerð umsókna.

Meginmarkmið verkefnisins Sterkar Strandir eru eftirfarandi:

• Sterkir innviðir og öflug þjónusta
• Stígandi í atvinnulífi
• Stolt og sjálfbært samfélag

Væntanlegar umsóknir þurfa að taka mið af þessum markmiðum.

Á vef Byggðastofnunar eru nánari reglur um styrkveitingar. Athugið að ekki er krafist mótframlags frá umsækjanda. Það styrkir umsókn ef verkefnið laðar fram fjármuni og krafta aðstandenda verkefnisins og samstarfsaðila. Samstarf aðila sem að jafnaði starfa ekki saman styrkir umsóknina. Umsækjendur er hvattir til að lesa ofangreindar leiðbeiningar og leita sér aðstoðar hjá verkefnisstjóra. Vönduð umsókn sem styður við framtíðarsýn og meginmarkmið verkefnisins er líklegri til árangurs.

Nauðsynlegt ítarefni til aflestrar fyrir umsækjendur: Framtíðarsýn og markmið og Samantekt íbúaþings.

Lokaskýrslum verkefna sem fengu styrk árið 2021 skal skila hér.

Lokaskýrslum verkefna sem fengu styrk árið 2022 skal skila hér.

Lokaskýrslum verkefna sem fengu styrk árið 2023 skal skila hér.