Laust er til umsóknar starf kvenkyns baðvarðar íþróttamannvirkis í íþróttahúsinu að Torfnesi á Ísafirði. Um er að ræða ótímabundið 100% starf í vaktavinnu og er æskilegast að viðkomandi geti hafið störf sem fyrst. Næsti yfirmaður er forstöðumaður íþróttamannvirkja.
Helstu verkefni:
- Móttaka og þjónusta við viðskiptavini
- Öryggisgæsla og baðvarsla, almenn gæsla og eftirfylgni umgengnisreglna
- Ræsting, þrif og þvottur á Torfnesi og í vallarhúsi
- Umhirða og eftirlit með íþróttavöllum þar sem það á við
- Aðstoð við uppsetningu leikja og frágang
- Umhirða og eftirlit með líkamsræktartækjum þar sem það á við
- Minniháttar viðhald í mannvirkjum
- Gagnaskráning
Hæfniskröfur:
- Lipurð og færni í samskiptum
- Rík þjónustulund, sveigjanleiki og jákvæðni
- Frumkvæði í starfi og sjálfstæð vinnubrögð
- Hand- og verklagni
- Haldgóð þekking í skyndihjálp
- Góð íslenskukunnátta
Launakjör eru samkvæmt samningum launanefndar sveitarfélaga við viðkomandi stéttarfélag (Kjöl/VerkVest).
Umsóknarfrestur er til og með 18. júní 2025. Umsóknum skal skilað á netfangið gretarhe@isafjordur.is eða á skrifstofu forstöðumanns íþróttamannvirkja í Íþróttahúsinu Torfnesi. Með umsókn skal fylgja ferilskrá.
Nánari upplýsingar veitir Grétar Helgason forstöðumaður í síma 450-8488 eða 848-1085 og/eða í gegnum fyrrgreindan tölvupóst. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.
-Við þjónum með gleði til gagns-