Vestfjarðastofa

Startup Landið er nýr, sjö vikna viðskiptahraðall sem ætlaður er frumkvöðlum og nýsköpunarverkefnum í landsbyggðunum. Hraðallinn, sem haldinn er í samstarfi allra landshlutasamtaka utan höfuðborgarsvæðisins, hefst 18. september og stendur til 30. október. Opið er fyrir umsóknir til 31. ágúst og verða valin til þátttöku tvö teymi úr hverjum landshluta. 

Undirbúningur fyrir Gullkistuna Vestfirði er á fleygiferð. Viðtökur við sýningunni hafa verið ekkert minna en stórkostlegar og eru á áttunda tug sýnenda skráðir til leiks. Á morgun, þriðjudaginn 26. ágúst, kl.15:00, verður haldinn undirbúningsfundur á Teams með þátttakendum þar sem farið verður yfir skipulag sýningarinnar.

Ákveðið hefur verið að framlengja umsóknarfrest í Frumkvæðissjóð Fjársjóðs fjalla og fjarða. Umsóknarfrestur er til miðvikudagsins 03. september kl. 16:00. Alls eru 11.000.000 kr. til úthlutunar í þessari fyrstu umferð.

Beint frá býli dagurinn verður haldinn hátíðlegur um allt land sunnudaginn 24. ágúst. Þetta er í þriðja sinn sem aðildarfélag samtaka smáframleiðenda stendur fyrir deginum sem hefur vakið mikla lukku. Á Vestfjörðum fer Beint frá býli dagurinn að þessu sinni fram á Hvammsbúinu á Barðaströnd.

Eyjólfur Ármannsson innviðaráðherra boðar til opinna íbúafunda í öllum landshlutum og verður hann í Edinborgarhúsinu á Ísafirði þriðjudaginn 19. ágúst á milli kl. 16:30 og 18. Tilgangur fundanna er að eiga samráð um málaflokka ráðuneytisins undir yfirskriftinni Fjárfest í innviðum til framtíðar.