Vestfjarðastofa

Ákveðið hefur verið að framlengja umsóknarfrest í Frumkvæðissjóð Fjársjóðs fjalla og fjarða. Umsóknarfrestur er til miðvikudagsins 03. september kl. 16:00. Alls eru 11.000.000 kr. til úthlutunar í þessari fyrstu umferð.

Beint frá býli dagurinn verður haldinn hátíðlegur um allt land sunnudaginn 24. ágúst. Þetta er í þriðja sinn sem aðildarfélag samtaka smáframleiðenda stendur fyrir deginum sem hefur vakið mikla lukku. Á Vestfjörðum fer Beint frá býli dagurinn að þessu sinni fram á Hvammsbúinu á Barðaströnd.

Eyjólfur Ármannsson innviðaráðherra boðar til opinna íbúafunda í öllum landshlutum og verður hann í Edinborgarhúsinu á Ísafirði þriðjudaginn 19. ágúst á milli kl. 16:30 og 18. Tilgangur fundanna er að eiga samráð um málaflokka ráðuneytisins undir yfirskriftinni Fjárfest í innviðum til framtíðar.

Starfsstöðvar Vestfjarðastofu verða lokaðar vegna sumarleyfa frá mánudeginum 14. júlí til þriðjudagsins 5. ágúst. Á þeim tíma verða flestir starfsmenn í sumarleyfum og svara tölvupóstum og erindum þegar þau koma aftur til starfa eftir sumarleyfi.

Vestfjarðastofa fékk styrk að upphæð 4.500.000 úr Lóu vegna nýsköpunarhraðals, sem í umsókninni bar vinnuheitið Landið og miðin en hefur nú formlega hlotið nafngiftina Startup Landið. Vestfjarðastofa fór í umsókninni fram fyrir hönd landshlutasamtakanna sem auk Vestfjarðastofu eru Austurbrú, SASS, SSNE, SSNV, SSS og SSV.