Ísafjarðarbær óskar eftir að ráða frístundaleiðbeinendur í félagsmiðstöðvarnar á Flateyri, Suðureyri og Ísafirði.
Leitað er að áhugasömum og drífandi einstaklingum sem hafa gaman af því að vinna með unglingum. Félagsmiðstöðvarnar bjóða upp á fjölbreytt tómstundastarf fyrir börn á aldrinum 13 -16 ára. Hlutverk þeirra er að styðja við unglinga í gegnum fjölbreytt tómstundastarf, hópefli og hópastarf. Meginmarkmið starfsins er að veita unglingum tækifæri til samveru og stunda heilbrigðar tómstundir undir leiðsögn reyndra tómstundaleiðbeinenda.
Um er að ræða tímabundin störf í tímavinnu frá 1. september (eða fyrr) til 5. júní 2023. Á Ísafirði eru þetta tvö kvöld í viku frá 19:30-22:00 og föstudaga frá 19:30-23:00 en á Flateyri og Suðureyri er opnunartími frá 20:00–22:00 mánudaga og miðvikudaga og á föstudögum frá 20:00 til 22:30.
Helstu verkefni og ábyrgð:
- Hafa umsjón með frístundastarfi unglinga félagsmiðstöðva/lengdrar viðveru
- Vinna í samræmi við stefnu Ísafjarðarbæjar í íþrótta- og tómstundamálum
- Er nánasti samstarfsmaður barna og unglinga í ráðum og nefndum og aðstoðar þá við skipulagningu og framkvæmd viðburða eins og við á
- Samráð og samvinna við ungmenni og starfsfólk
Hæfniskröfur:
- Menntun sem nýtist í starfinu
- Starfsreynsla á sviði forvarna-, félags- og tómstundamála æskileg
- Gott vald á íslenskri tungu
- Framúrskarandi hæfni í mannlegum samskiptum
- Frumkvæði og leiðtogahæfni
- Reglusemi
- Þarf að vera 20 ára eða eldri
Launakjör eru samkvæmt samningum launanefndar sveitarfélaga við FOSVEST/VerkVest.
Umsóknarfrestur er til og með 26. ágúst 2022. Umsóknum skal skilað til Evu Maríu Einarsdóttur, forstöðumanns, í netfangið evaei@isafjordur.is. Með umsókn skal fylgja ferilskrá.
Nánari upplýsingar um starfið veitir Eva María í síma: 450-8059 eða í gegnum tölvupóst.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.