Fara í efni

Kallað eftir umsóknum í Árneshreppi

Fréttir Uppbyggingasjóður Vestfjarða Áfram Árneshreppur! Sterkar Strandir
Gönguleiðin yfir Naustvíkurskörð
Gönguleiðin yfir Naustvíkurskörð

Kallað er eftir umsóknum í sjóð verkefnisins Áfram Árneshreppur!

Nú er hægt að sækja um styrki til verkefna sem styrkja samfélagið í Árneshreppi.
Öllum er heimilt að sækja um.
Sérstaklega væri áhugavert að fá umsóknir vegna verkefna sem tengjast bættum innviðum svo sem þrífösun rafmagns, ljósleiðaravæðingu og bættri vetrarþjónustu Vegagerðar. 
Heildarupphæð til úthlutunar er um 7 milljónir króna. Þetta er síðasta styrkúthlutunin sem verður í boði í þessu verkefni.

Smellið hér til að opna umsóknareyðublað.

Umsóknarfrestur er til kl. 16:00 fimmtudaginn 17. febrúar.

Ekki er krafist mótframlags frá umsækjanda. Samstarf aðila sem að jafnaði starfa ekki saman styrkir umsóknina. Væntanlegir  umsækjendur eru hvattir til að leita ráðgjafar hjá verkefnisstjóra, Skúla Gautasyni, við gerð umsókna. Vönduð umsókn  er líklegri til árangurs!

Þessi úthlutun er á vegum verkefnisins Áfram Árneshreppur! sem er hluti af Brothættum byggðum og er samstarfsverkefni Árneshrepps, íbúa byggðarlagsins, Vestfjarðastofu og Byggðastofnunar.