Hafnir Ísafjarðarbæjar auglýsa laus til umsóknar tvö 100% störf, annars vegar starf skipstjóra og hins vegar vélstjóra, í sumarafleysingu frá 15. maí til 15. september 2022. Umsóknarfrestur er til og með 7. mars 2022.
Hafnir Ísafjarðarbæjar eru fjórar, þ.e. á Ísafirði, Suðureyri, Flateyri og Þingeyri og er öll grunnþjónusta í boði á þessum stöðum. Megin starfsstöð skipstjóra/vélstjóra verður á Ísafjarðarhöfn en viðkomandi mun einnig sinna verkefnum á öðrum höfnum bæjarins þegar svo ber undir. Næsti yfirmaður er hafnarstjóri.
Helstu verkefni og ábyrgð (skipstjóri):
- Fer með stjórn lóðsbáts Ísafjarðarbæjar og ber almenna ábyrgð í samræmi við skyldur skipstjóra
- Hefur umsjón með lóðsbát hvað varðar viðhald og umgengni og annast ýmis minniháttar viðhaldsverkefni s.s. málningu, þrif o.fl.
- Sér um afgreiðslu rafmagns til skipa og annarra þeirra sem þurfa rafmagn á hafnarsvæðinu
- Les af orkumælum og færir hafnarstjóra þær upplýsingar til reikningagerðar
- Ber ábyrgð á að afli sé rétt vigtaður og rétt skráður í aflaskráningarkerfið GAFL
Helstu verkefni og ábyrgð (vélstjóri):
- Vélstjórn á hafnsögubát og umsjón með viðhaldi vélbúnaðar
- Að þjónusta skip og báta sem til Ísafjarðarhafna koma, viðlegustjórn
- Tenging og aftenging vatns og rafmagns til skipa og skráning aflesturs á notkun í afgreiðslubækur
- Annast viðhald á eigum og mannvirkjum hafnarinnar sem honum er fært
- Eftirlit og umsjón með búnaði, tækjum og aðstöðu
- Ber ábyrgð á að afli sé rétt vigtaður og rétt skráður í aflaskráningarkerfið GAFL
- Umsjón með hafnarsvæði Ísafjarðarhafna, skipulagi, umgengni, hreinsun og tiltekt
- Öryggisgæsla á hafnarsvæðum og vinna að uppfærslu á öryggismálum hafnarinnar
Skipstjóri og vélstjóri annast að auki ýmis verkefni sem hafnarstjóri fela þeim, s.s. viðhald á eignum og mannvirkjum hafnarinnar og aðstoð við festarþjónustu eftir því sem því verður við komið.
Hæfniskröfur:
- Skipstjórnarréttindi til stjórnar skipa allt að 24m lengd hið minnsta (A – réttindi) (skipstjóri)
- Vélstjórnarréttindi 750 kw. að lágmarki (vélstjóri)
- Kostur ef viðkomandi er með bæði réttindi
- Slysavarnaskóli sjómanna
- Góð samskiptafærni og jákvætt viðmót
- Skipulagsfærni og nákvæmni í vinnubrögðum
- Góð almenn tölvukunnátta
- Bílpróf, stærri vinnuvélaréttindi kostur
- Góð íslensku- og enskukunnátta er nauðsynleg, önnur tungumál kostur
- Dugnaður, vinnusemi og sveigjanleiki
Launakjör eru samkvæmt samningum launanefndar sveitarfélaga við viðkomandi stéttarfélag.
Nánari upplýsingar um starfið veitir Guðmundur M. Kristjánsson, hafnarstjóri í síma 450-8080 eða í gegnum tölvupóst á hofn@isafjordur.is.
Umsóknir skulu sendar til mannauðsstjóra Ísafjarðarbæjar á netfangið baldurjo@isafjordur.is. Með umsókn skal fylgja ferilskrá og afrit af viðeigandi réttindum/prófskírteinum.