Fara í efni

Umhverfismál

Vestfjarðastofa starfar náið með sveitarfélögunum á svæðinu að umhverfismálum, enda hafa Vestfirðir einsett sér að standa framarlega í umhverfismálum. Sveitarfélögin á Vestfjörðum hafa meðal annars unnið sér inn silfurvottun umhverfissamtakanna Earth Check. Vestfjarðastofa heldur utan um þá vottun með verkefninu Umhverfisvottun Vestfjarða

Í júlí 2019 tók Náttúrustofa Vestfjarða við verkefninu í reynslu í eitt og hálft ár eða til lok desember 2020.  María Hildur Maack  starfsmaður hjá Nave heldur utan um verkefnið og sér hún um að uppfæra öll þau gögn sem þarf að hafa tilbúin til að fá árlegar vottanir eins og framkvæmdaráætlun sveitarfélaganna, lagakrá, sameiginlega stefnu, fundi græns teymis og Græn skref. Öll gögn tengda vottun má finna til hliðar á síðunni.  Vestfjarðastofa hefur aðeins yfirumsjón með verkefninu. Póstfang hjá Maríu er maria@nave.is

Vestfjarðastofa heldur einnig utan um verkefnið Græn skref en verkefnið snýst um að efla vistvænan rekstur í starfsemi sveitarfélaganna  ásamt því að skapa fordæmi í því að minnka umhverfisáhrif með kerfisbundnum hætti. 

Vestfjarðastofa heldur jafnframt utan um tilraunaverkefnið Náttúrulega Vestfirðir sem er tilraun til að búa til samfélag á Facebook þar sem Vestfirðingar geta deilt góðum ráðum til að minnka plastnotkun og önnur umhverfismál.