Fréttir | Vestfjarðastofa

Lokahátíð Púkans á Ströndum

Fri, 08 May 2026 11:44:38 +0000

Lokahátíð Púkans 2026

Lokahátíð Púkans á Ísafirði

Fri, 08 May 2026 11:36:54 +0000

Lokahátíð barnamenningarhátíðarinnar Púkans

Orkuþing Vestfjarða

Fri, 08 May 2026 10:18:06 +0000

Orkuþing Vestfjarða verður haldið föstudaginn 3.júní á Ísafirði þar sem helstu hagaðilar í orkumálum svæðisins koma saman til að ræða stöðu, framtíðarsýn og tækifæri í orkuuppbyggingu á Vestfjörðum.

Svæðisskipulag Vestfjarða 2025-2050, tillaga samþykkt

Wed, 06 May 2026 11:46:00 +0000

Á 26. fundi Svæðisskipulagsnefndar þann 4. maí 2026, samþykkti nefndin að senda sveitar-/ og bæjarstjórnum á Vestfjörðum beiðni um afgreiðslu tillögu að Svæðisskipulagi Vestfjarða 2025-2050.

Samband íslenskra sveitarfélaga - Stafræna teymi Sambandsins með kynningarfund á Vestfjörðum

Wed, 06 May 2026 09:38:39 +0000

Stafræna teymið ætlar að heimsækja Vestfirði 11. maí 2026.

Fræðslufundur um Almyrkva Sólu með Stjörnu Sævari

Wed, 06 May 2026 09:28:31 +0000

Stjörnu-Sævar, Markaðsstofa Vestfjarða og Ísafjarðarbær bjóða íbúum á fræðslufund um almyrkva sólu Föstudaginn 8. maí kl. 18:00–19:00 verður haldinn opinn fræðslufundur í Bryggjusalnum í Edinborgarhúsinu fyrir íbúa á Vestfjörðum um almyrkva sólu sem verður sýnilegur á 12. ágúst 2026. Á fundinum mun Sævar Helgi Bragason, betur þekktur sem Stjörnu Sævar fjalla um þetta einstaka náttúrufyrirbæri, hvað gerist þegar almyrkvi verður, hvernig best er að fylgjast með honum á öruggan hátt og hvað íbúar þurfa að hafa í huga. Fundurinn er gott tækifæri fyrir íbúa til að fræðast, spyrja spurninga og undirbúa sig fyrir þennan einstaka atburð. Öll Velkomin

Tálknafjörður, nýtt þátttökubyggðarlag í Brothættum byggðum

Tue, 05 May 2026 11:01:00 +0000

Tálknafjörður hefur hafið þátttöku í byggðaþróunarverkefninu Brothættar byggðir. Stjórn Byggðastofnunar samþykkti á fundi sínum þann 26. febrúar sl. að bjóða Tálknafirði til samstarfs í verkefninu.

Forvitnir frumkvöðlar - Hættu að gefa vinnuna þína: Fyrstu skref í verðlagningu

Thu, 30 Apr 2026 10:47:58 +0000

Næsti viðburður í röðinni Forvitnir frumkvöðlar verður haldinn 5. maí kl. 12:00 á Teams og að þessu sinni er það Eva Michelsen sem stígur á svið.

Púkinn stekkur af stað

Tue, 28 Apr 2026 09:44:00 +0000

Púkinn, barnamenningarhátíð Vestfjarða hefst í dag. Hér er dagskrá hátíðarinnar.

Skráningar hafnar á Vestnorden 2026

Thu, 16 Apr 2026 11:55:00 +0000

Nú hefur verið opnað fyrir skráningar á Vestnorden 2026 sem fer fram í Nuuk á Grænlandi dagana 22.–23. september 2026.

Auglýsing - Samkeppni um útilistaverk á Ísafirði

Tue, 14 Apr 2026 16:04:00 +0000

Hafnir Ísafjarðarbæjar efna til hugmyndasamkeppni um útilistaverk sem staðsett verður miðsvæðis á Ísafirði í göngufæri frá höfninni. Listaverkið skal vera þess eðlis að það laði að sér gesti sem sækja Ísafjörð heim og verði myndastopp sem fangar staðaranda Ísafjarðarbæjar.

Ársfundadagur

Thu, 09 Apr 2026 13:04:00 +0000

Miðvikudaginn 15. apríl verður "ársfundadagur" hjá okkur á Vestfjarðastofu og Fjórðungssambandi Vestfirðinga en þann dag verður haldið auka Fjórðungsþing Vestfirðinga, Ársfundur fulltrúaráðs Vestfjarðastofu og vinnustofa um stefnu Vestfjarðastofu 2027-2036.

Vefþing um orkuskipti í landbúnaði

Wed, 08 Apr 2026 11:04:29 +0000

Eimur og Orkidea í gegnum Evrópuverkefnin RECET og Value4Farm standa fyrir vefþingi um orkuskipti í landbúnaði þann 9. apríl næstkomandi, þar sem sjónum verður beint að stöðu og framtíð orkuskipta í einni af lykilgreinum íslensks samfélags og atvinnulífs. Vefþingið hefst kl. 13 og klárast kl. 15:15.

Endurskoðun byggðaáætlunar - fjarfundur

Tue, 07 Apr 2026 12:16:00 +0000

Vestfjarðastofa boðar til fundar ásamt innviðaráðuneyti og Byggðastofnun. Á fundinum verða kynnt fyrstu drög að endurskoðaðri byggðaáætlun með sérstaka áherslu á drög að aðgerðaáætlun hennar. Fulltrúar ráðuneytisins og Byggðastofnunar munu kynna fyrirliggjandi drög og hvetja til skoðanaskipta um þau. Umræður og ábendingar sem fram koma á fundinum verða nýttar við áframhaldandi vinnu og munu meðal annars verða lögð til grundvallar efni í hvítbók sem sett verður í samráðsgátt stjórnvalda í lok maí.

Fréttabréf marsmánaðar komið út

Tue, 31 Mar 2026 16:29:00 +0000

Fréttabréf Vestfjarðastofu fyrir marsmánuð er komið út. Það er uppfullt af fréttum af mörgu því er starfsfólk tók sér fyrir hendur í mánuðinum. Þar má lesa um ferð verkefnastjóra RECET til Menorka, heimsóknir verkefnastjóra innan Vestfjarða og heimsóknir gesta til okkar. Mikið er fjallað um hvaða unga fólkið á Vestfjörðum er að fást við, til dæmis í gegnum kvikmyndagerðarnámskeið á Púkanum, verkefni ungmennaráðs Vestfjarða og Vörumessu MÍ. Að vanda er að finna pistla frá framkvæmdastjóra og formanni stjórnar Vestfjarðastofu. Þar er margt annað sem þið getið dundað ykkur við að lesa í páskafríinu og með þessu sendum við ykkur bestu óskir um gleðilega páska.

Menntamorgunn ferðaþjónustunnar í beinu streymi 9.apríl

Mon, 30 Mar 2026 11:57:00 +0000

Er íslensk ferðaþjónusta á öruggri leið? Íslensk ferðaþjónusta hefur vaxið hratt á undanförnum árum en þeim vexti fylgir mikil ábyrgð. Eitt mikilvægasta vörumerki Íslands er öryggi; sú tilfinning gesta okkar að þeir séu í góðum höndum, hvort sem þeir ganga á jökla, keyra um hálendið eða njóta menningar í bæjum landsins. En erum við raunverulega á öruggri leið? Og hvernig getum við, sem heild, tryggt að ímynd Íslands sem öruggur áfangastaður standist tímans tönn? Menntamorgunn ferðaþjónustunnar bregður sér norður yfir heiðar til Akureyrar og býður ykkur til stefnumóts um öryggismál í íslenskri ferðaþjónustu fimmtudaginn 9. apríl kl. 11:00–13:00, á Hótel Kea. Viðburðurinn verður bæði staðfundur og í beinu streymi svo sem flestir eigi þess kost að fylgjast með og sækja sér hagnýta þekkingu.

Sameining Árneshrepps og Kaldrananeshrepps samþykkt

Mon, 30 Mar 2026 11:15:00 +0000

Sveitarfélögum á Vestfjörðum mun brátt fækka um eitt, en íbúar í Árneshreppi og Kaldrananeshreppi hafa samþykkt sameiningu sveitarfélaganna í íbúakosningu. Kosningin stóð yfir frá 14. mars til 28. mars og höfðu íbúar kost á að greiða atkvæði í því sveitarfélagi sem þeir eru á kjörskrá í og gafst þeim einnig kostur á að greiða atkvæði með pósti á tímabilinu. Niðurstöður kosningarinnar sýna að meirihluti kjósenda í báðum sveitarfélögum studdi sameininguna.

Opið fyrir umsóknir í styrktarsjóð Hafna Ísafjarðarbæjar

Wed, 25 Mar 2026 13:21:00 +0000

Auglýst er eftir umsóknum um styrki úr styrktarsjóði Hafna Ísafjarðarbæjar fyrir árið 2026. Markmið með sjóðum er að styrkja og bæta bæjarbraginn og eru í ár 8 milljónir til úthlutunar. Sjóðurinn er að þessu sinni þrískiptur þar sem styrkja skal viðburðahald, samfélags- eða fegrunarverkefni sem efla samfélagið í Ísafjarðarbæ.

Vestfjarðastofa í Blábankanum

Tue, 24 Mar 2026 15:12:41 +0000

Vestfjarðastofa er með viðveru í Blábankanum einu sinni í mánuði. Þá geta Dýrfirðingar sótt ólíka ráðgjöf hverju sinni. Hjörleifur Finnsson, verkefnisstjóri umhverfis- og loftslagsmála hjá Vestfjarðastofu verður í Blábankanum 31. mars, á milli klukkan 12 og 15. Hjörleifur hefur gríðarmikla reynslu af flestu því sem viðkemur umhverfismálum, jafnframt því að búa yfir haldgóðri þekkingu á framkvæmdasjóði ferðamannastaða - svo við hvetjum fólk til að kíkja í heimsókn.

Vefstofa MERSE: Viðskiptamódel fyrir samfélagsrekstur í dreifbýli

Fri, 20 Mar 2026 12:30:00 +0000

Hvernig byggir samfélagsrekstur í dreifbýli upp sjálfbær og árangursrík viðskiptamódel? Í vefstofu MERSE þann 26. mars verður sjónum beint að lykilatriðum í þróun og rekstri slíkra fyrirtækja, með áherslu á áskoranir og tækifæri sem felast í starfsemi utan stærri þéttbýlissvæða. Vefstofan hefst á fræðilegu yfirliti þar sem farið verður yfir helstu nálganir og hugtök sem tengjast viðskiptamódelum samfélagsfyrirtækja. Fyrirlesarar eru Yvonne von Friedrichs og Cecilia Dalborg hjá Midsweden University, sem hafa sérhæft sig í rannsóknum á þessu sviði.