Fréttir | Vestfjarðastofa

Öflugur hópur frumkvöðla valinn í Startup Landið 2026

Mon, 12 Oct 2026 08:41:00 +0000

Fjórtán fjölbreytt nýsköpunarverkefni af öllu landinu hafa verið valin til þátttöku í viðskiptahraðlinum Startup Landið. Hraðallinn er sérstaklega hannaður til að efla atvinnulíf, verðmætasköpun og nýsköpun á landsbyggðinni.

Almyrkvaverkefninu formlega lokið

Tue, 06 Oct 2026 13:16:00 +0000

Almyrkvaverkefninu formlega lokið Fulltrúar þeirra fjölmörgu aðila sem komu að undirbúningi og framkvæmd almyrkvans 12. ágúst komu saman í forsætisráðuneytinu á dögunum til að líta yfir farinn veg og draga saman helsta lærdóm verkefnisins. Sölvi Guðmundsson, forstöðumaður Markaðsstofu Vestfjarða, tók þátt í dagskránni fyrir hönd Vestfjarðastofu og fjallaði, ásamt Þuríði H. Aradóttur Braun frá Markaðsstofu Reykjaness, um verkefnið frá sjónarhóli samstarfsaðila. Þar var meðal annars farið yfir mikilvægi góðs samstarfs milli heimamanna, sveitarfélaga og stofnana við undirbúning svo umfangsmikils viðburðar.

Fréttabréf septembermánaðar komið út

Thu, 01 Oct 2026 13:26:00 +0000

Fréttabréf Vestfjarðastofu fyrir septembermánuð er komið út. Haustið er komið með tilheyrandi haustlægðum og er árstíðin oftar en ekki sú annasamasta á Vestfjarðastofu, nema þegar vorið ryðst fram með látum. Í fréttabréfinu er meðal annars fjallað um staðfestingu Svæðisskipulags Vestfjarða 2025–2050, sem nú tekur við að fylgja eftir. Það segir frá Ungmennaþingi Vestfjarða á Suðureyri þar sem um 40 ungmenni af öllum Vestfjörðum komu saman. Menningin á líka sinn sess, en fjallað er um endurvakningu Félags vestfirskra listamanna sem hélt vel sótt Listamannaþing á Ísafirði. Einnig er fjallað um hugmyndasamkeppni Hafna Ísafjarðarbæjar um nýtt útilistaverk.

Að þybbast við, ýta á og láta eigi kúgast

Tue, 29 Sep 2026 10:27:00 +0000

Hér birtist í heild sinni ávarp Aðalsteins Óskarssonar, sviðsstjóra byggðaþróunar og starfsmanns Svæðisskipulagsnefndar, sem hann flutti við undirritun Svæðisskipulags Vestfjarða 2025-2050 við minnisvarða um Kollabúðafundina í Þorskafirði

Vestnorden 2026

Mon, 28 Sep 2026 15:25:00 +0000

Markaðsstofa Vestfjarða tók þátt í ferðakaupstefnunni Vestnorden 2026 sem haldin var í Nuuk á Grænlandi dagana 21.–25. september. Fyrir hönd Markaðsstofunnar tóku Sölvi Rúnar Guðmundsson og Vilborg Pétursdóttir þátt í sýningunni, auk þess sem fulltrúar Fantastic Fjords og Valkyrie Tours voru á meðal vestfirskra þátttakenda.

Opnar vinnustofur vegna Uppbyggingarsjóðs Vestfjarða

Fri, 25 Sep 2026 13:30:00 +0000

Vinnustofur fyrir umsækjendur í Uppbyggingarsjóð Vestfjarða verða haldnar á starfsstöðvum Vestfjarðastofu 6.–8. október næstkomandi. Þeim sem hafa áhuga á að sækja um í sjóðinn eða eru að vinna að umsókn býðst kostur á að mæta og fá ráðgjöf frá starfsfólki Vestfjarðastofu. Vinnustofurnar verða opnar milli kl. 16 og 18, sem hér segir: Hólmavík – þriðjudaginn 6. október, Hnyðja Patreksfjörður – miðvikudaginn 7. október, Ólafshús Ísafjörður – fimmtudaginn 8. október, Vestfjarðastofa

26 tillögur bárust í hugmyndasamkeppni um útilistaverk á Ísafirði

Fri, 25 Sep 2026 11:14:00 +0000

Hugmyndasamkeppni Hafna Ísafjarðarbæjar um útilistaverk á Ísafirði er lokið. Alls bárust 26 tillögur í samkeppnina. Trúnaðarmaður keppninnar fyrir hönd Sambands íslenskra myndlistarmanna (SÍM), segir dómnefnd eiga vandasamt verk fyrir höndum þar sem margar sterkar og spennandi tillögur hafi borist.

Vestfirsk ungmenni láta til sín taka á sameiginlegu þingi

Mon, 21 Sep 2026 12:26:00 +0000

Ungmennaþing Vestfjarða fór fram á Suðureyri dagana 16.–18. september. Þar komu um 40 ungmenni saman af öllum Vestfjörðum til að ræða málefni sem snerta líf þeirra og framtíð, kynnast lýðræðislegum vinnubrögðum og móta tillögur að breytingum. Fræðsla, hópavinna og samvera einkenndu þingið, þar sem almenningssamgöngur urðu skýrt forgangsmál.

Opið fyrir umsóknir í Uppbyggingarsjóð Vestfjarða

Fri, 18 Sep 2026 09:00:00 +0000

Uppbyggingarsjóður Vestfjarða hefur opnað fyrir umsóknir.

Hlutverk sveitarfélaga í grænum umskiptum – lokavefviðburður RECET

Fri, 18 Sep 2026 08:18:00 +0000

Sveitarfélög gegna mikilvægu hlutverki í grænum umskiptum, en mörg minni sveitarfélög búa við takmarkaða getu, fámennt starfslið og takmarkaðan aðgang að sérfræðiþekkingu. Á lokavefviðburði RECET koma saman sérfræðingar og fagfólk frá Íslandi, Svíþjóð, Spáni og Slóveníu til að ræða hvernig sveitarfélög geta styrkt hlutverk sitt í grænum umskiptum. Fjallað verður meðal annars um staðbundna þátttöku, uppbyggingu getu og loftslagsaðgerðir sem taka mið af aðstæðum á hverjum stað.

Kynslóðaskipti fyrirtækja í dreifðum byggðum til umræðu á Vestfjörðum

Tue, 15 Sep 2026 08:27:00 +0000

Þátttakendur í BOCOD-verkefninu komu saman á Vestfjörðum dagana 8.–10. september. Gestir frá Finnlandi, Írlandi og Austurlandi tóku þátt í vinnufundum og kynntu sér vestfirskt atvinnulíf og reynslu af eigenda- og kynslóðaskiptum. Á fundinum var unnið að næstu skrefum verkefnisins og rætt hvernig styðja megi betur við kynslóðaskipti fyrirtækja skipti í dreifðum byggðum, meðal annars með nýtingu stafrænnar tækni. Farið var í heimsóknir til fyrirtækja á Ísafirði og í nágrenni þar sem kynslóðaskipti hafa átt sér stað, standa nú yfir eða eru fyrirsjáanleg á næstu árum.

47 umsóknir bárust í Startup Landið

Fri, 04 Sep 2026 11:31:00 +0000

Alls bárust 47 umsóknir í Startup Landið, viðskiptahraðal fyrir frumkvöðla og nýsköpunarverkefni á landsbyggðinni en umsóknarfrestur var til miðnættis þriðjudaginn 1. september. Umsóknir bárust víðs vegar að af landinu og endurspeglar fjöldinn þann kraft sem býr í nýsköpun og frumkvöðlastarfi á landsbyggðinni.

Styrkir til að styðja við uppbyggingu vinnustaðaklasa á landsbyggðinni

Fri, 04 Sep 2026 11:28:58 +0000

Opnað hefur verið fyrir umsóknir um styrki til að styðja við uppbyggingu vinnustaðaklasa á landsbyggðinni. Veittir verða styrkir fyrir allt að 50 milljónir kr. Byggðastofnun heldur utan um umsýslu vegna styrkjanna og er umsóknarfrestur er til kl. 12 á hádegi mánudaginn 28. september nk.

Gullkistan Vestfirðir fyrirtæki bjóða heim á Hólmavík

Wed, 02 Sep 2026 11:09:00 +0000

Þá er komið að síðasta heimboði fyrirtækja á Vestfjörðum á Hólmavík 4. september 2026.

Svæðisskipulag Vestfjarða 2025-2050 undirritað í blíðskapar veðri

Fri, 28 Aug 2026 13:48:00 +0000

Fulltrúar allra sveitarfélaga á Vestfjörðum og Húsnæðis- og mannvirkjastofnunar (HMS) undirrituðu miðvikudaginn 27. ágúst nýtt Svæðisskipulag Vestfjarða 2025-2050 við minnismerki Kollabúðafunda í Þorskafirði.

Undirritun Svæðisskipulags Vestfjarða 2025-2050

Thu, 27 Aug 2026 11:26:00 +0000

Í dag 27. ágúst kl 16.00, koma saman við minnismerki Kollabúðafunda í Þorskafirði fulltrúar allra sveitarfélaga á Vestfjörðum ásamt fulltrúa HMS til að staðfesta með undirritun sinni, samþykkt nýs svæðsskipulags fyrir Vestfirði.

Gullkistan Vestfirðir býður heim í Súðavík

Tue, 18 Aug 2026 13:15:00 +0000

Gullkistan Vestfirðir býður heim í Súðavíkurhrepp næstkomandi laugardag 22. ágúst 2026.

Nýtt fréttabréf komið út!

Mon, 17 Aug 2026 13:00:00 +0000

Fréttabréf Vestfjarðastofu fyrir sumarið 2026 er komið út.

Nýr verkefnastjóri á Reykhólum

Mon, 17 Aug 2026 10:26:00 +0000

Guðmundur Konráðsson ráðinn verkefnastjóri á Reykhólum.

Þegar dagur varð að nóttu, almyrkvinn á Vestfjörðum

Fri, 14 Aug 2026 09:00:00 +0000

Þann 12. ágúst, gekk almyrkvi á sólu yfir Vestfirði. Atburðurinn sem við höfum verið að undirbúa okkur fyrir lengi var allt í einu kominn………..og svo liðinn á örfáum mínútum. Undirbúningurinn fyrir almyrkvann hefur verið umfangsmikill. Fyrsti formlegi pósturinn sem ég sendi vegna verkefnisins fór af stað 3. maí 2024, en vinnan fór fyrir alvöru á fullt í ágúst á síðasta ári. Síðan þá hafa tugir einstaklinga hjá sveitarfélögum, stofnunum og viðbragðsaðilum unnið að því að undirbúa svæðið eins vel og hægt var fyrir atburð sem enginn vissi nákvæmlega fyrirfram hversu margir myndu koma til að upplifa.