Aðalsíða

Tenglar

Saga félagsins

Harmonikufélag Vestfjarða var stofnað 16. nóvember 1986. Stofnfélagar voru 19

talsins. Eins og nafnið bendir til er félagssvæðið Vestfirðir.

Félagið hefur frá stofnun verið opið jafnt áhugafólki um harmonikutónlist og þeim

sem leika á harmoniku. Félagar nú eru um 80 talsins.

Árið 1988 skrifaði stjórn félagsins Tónlistarskóla Ísafjarðar og hvatti til að tekin

yrði upp kennsla í harmonikuleik við skólann. Þessu erindi var fylgt eftir með því

að gefa skólanum tvær kennsluharmonikur. Einnig hefur tónlistarskólunum í

Bolungarvík, á Þingeyri og Flateyri verið gefnar kennsluharmonikur. Þetta bar

þann árangur að harmonikukennsla hefur verið veigamikill þáttur í starfi

þessara skóla og vaxið með árunum.

Allt frá stofnun félagsins hafa hljómsveitir og einstakir félagar leikið fyrir dansi 

við ýmis tækifæri. Eins hefur félagið haldið dansleiki tvisvar til þrisvar á ári.

Félagsmenn hafa heimsótt önnur félög og tekið á móti harmonikufélögum sem

hingað hafa komið í heimsókn. Einnig hafa verið farnar velheppnaðar

skemmtiferðir (sumarferðir) og þá yfirleitt í fjarlægustu hluta félagssvæðisins,

s.s. Barðastrandarsýslu og Strandasýslu en einnig í aðra landshluta.

Harmonikufélag Vestfjarða hefur tekið þátt í landsmótum harmonikufélaga frá

árinu 1990. Lögð hefur verið áhersla á að kynna unga og upprennandi

harmonikunemendur, ásamt eldri og reyndari harmonikuleikara

Þá hefur félagið staðið fyrir hljómleikum þekktra harmonikuleikara s.s. Anniku

Anderson, Sigrid Oyfeldt, Anders Larson og Conny Bocström. Tatu Kantomaa,

Bröderna Färm að ógleymdum Hrólfi Vagnssyni og rússnesku tvíburunum Yuri og

Vadim Fjodorov.